സഹകരണ പരിശീലന കോഴ്‌സുകൾക്ക് സ്കോളർഷിപ്പ്: മന്ത്രി കടകംപള്ളി സുരേന്ദ്രൻ

തിരുവനന്തപുരം: സംസ്ഥാന സഹകരണ യൂണിയനു കീഴിലുള്ള പരിശീലന കേന്ദ്രങ്ങളിൽ ജെ.ഡി.സി, എച്ച്.ഡി.സി, ബി.എം കോഴ്‌സുകളിൽ പഠിക്കുന്ന വിദ്യാർഥികൾക്ക് സ്കോളർഷിപ്പ് ഏർപ്പെടുത്തുമെന്ന് മന്ത്രി കടകംപള്ളി സുരേന്ദ്രൻ. സാമ്പത്തികമായി പിന്നോക്കം നിൽക്കുന്നതും നിലവിൽ യാതൊരുവിധ ഫീസ് ആനുകൂല്യത്തിന് അർഹതയില്ലാത്തവരുമായ വിദ്യാർഥികൾക്കാണ് സ്‌കോളർഷിപ്പ് അനുവദിക്കുക. പ്രൊഫഷണൽ എജ്യുക്കേഷൻ ഫണ്ടിൽ നിന്നും ഇതിനായി 25 ലക്ഷം രൂപ നൽകുമെന്നും മന്ത്രി വ്യക്തമാക്കി. സ്‌കോളർഷിപ്പ് സ്‌കീം ആവിഷ്‌കരിക്കുവാനായി സംസ്ഥാന സഹകരണ യൂണിയന് നിർദേശം നൽകിയിട്ടുണ്ടെന്നും മന്ത്രി പറഞ്ഞു.