തേഞ്ഞിപ്പലം: കാലിക്കറ്റ് സര്വകലാശാലാ ക്യാമ്പസ് വിദ്യാര്ത്ഥികള്ക്കും, ഗവേഷകര്ക്കുമായുള്ള ഏകജാലക സേവന പോര്ട്ടല് (student.uoc.ac.in) തയ്യാറായി. സര്വകലാശാലാ കംപ്യൂട്ടര് സെന്റര് വിഭാഗമാണ് പോര്ട്ടല് തയ്യാറാക്കിയത്. ഡിസംബര് ആദ്യവാരം പോര്ട്ടല് ഉദ്ഘാടനം ചെയ്യും. പഠനവും ഗവേഷണവുമായി ബന്ധപ്പെട്ട എല്ലാ വിവരങ്ങളും ഈ പോര്ട്ടല് വിന്ഡോ വഴി ലഭ്യമാകും. വിവിധ അപേക്ഷകള് നല്കുന്നതിനും ഫീസടയ്ക്കുന്നതിനും പരാതിപരിഹാരത്തിനും, പാഠ്യപദ്ധതിയെക്കുറിച്ചും കോഴ്സിനെക്കുറിച്ചുള്ള വിദ്യാര്ത്ഥികളുടെ പ്രതികരണങ്ങള് രേഖപ്പെടുത്താനും ഇതുപയോഗിക്കാം.
വിദ്യാര്ത്ഥികളുടെ പ്രവേശനസമയത്ത് വ്യക്തിവിവരങ്ങള് പോര്ട്ടലില് ഉള്പ്പെടുത്തും. അതുവഴി കോഴ്സ് കഴിഞ്ഞാലും പോര്ട്ടലിലൂടെ സര്വകലാശാലാ അറിയിപ്പുകളും ഓരോരുത്തരുടെ വ്യക്തിഗത വിവരങ്ങളും അറിയാനാകും.
![\"\"](\"https://schoolvartha.com/wp-content/uploads/2020/11/IMG-20201028-WA0005-1-1024x1024.jpg\")
