editorial@schoolvartha.com | markeiting@schoolvartha.com
വിദ്യഭ്യാസ വാർത്തകൾ
Google Play School Vartha
പ്രധാന വാർത്തകൾ
അവധി, പരീക്ഷാ ഫലങ്ങൾ, പിജി പ്രവേശനം: ഇന്നത്തെ കാലിക്കറ്റ്‌ സർവകലാശാല വാർത്തകൾപരീക്ഷകൾ മാറ്റി, യോഗ പിജി ഡിപ്ലോമ, പരീക്ഷകൾ, പരീക്ഷാഫലങ്ങൾ: എംജി സർവകലാശാല വാർത്തകൾ  ഒക്ടോബർ 2ന് കോളേജുകളിലും പരിപാടികൾ: ലഹരിമുക്ത കേരളത്തിന് വിപുലമായ ഒരുക്കങ്ങൾസംസ്കൃത സർവകലാശാലയിൽ ബിരുദ പ്രവേശനം: അവസാന തീയതി ഒക്ടോബർ 3എൻജിനിയറിങ് ഗ്രാജുവേറ്റ് അപ്രന്റീസ് ട്രെയിനിങ്: 1000ൽ അധികം ഒഴിവുകൾലഹരിമുക്ത ക്യാമ്പസ് പ്രചാരണത്തിന് പുരസ്ക്കാരം നൽകും: മന്ത്രി ഡോ.ബിന്ദുഒക്ടോബർ 2മുതൽ ആരംഭിക്കുന്ന ലഹരി വിരുദ്ധ ക്യാമ്പയിനിൽ മുഴുവൻ വിദ്യാർത്ഥികളും അധ്യാപകരും അണിനിരക്കണം: മന്ത്രി വി.ശിവൻകുട്ടികേന്ദ്ര സർക്കാരിന് കീഴിൽ വിവിധ വിഭാഗങ്ങൾക്കായി ഡാറ്റ എൻട്രി ഓപ്പറേറ്റർ, ഫാഷൻ ഡിസൈൻ കോഴ്‌സുകൾകൂടുതൽ സ്കൂളുകളിൽ ടിങ്കറിങ് ലാബുകൾ: മന്ത്രി വി.ശിവൻകുട്ടിഈ വർഷത്തെ സ്കൂൾ മേളകളുടെ സമയക്രമം പ്രഖ്യാപിച്ചു: വിശദ വിവരങ്ങൾ

ഇന്റർനെറ്റിന്റെ കാലഘട്ടത്തിൽ ഓൺലൈൻ വിദ്യഭ്യാസം കുട്ടികൾക്ക് സമ്മാനിച്ചത് മികച്ച അവസരം- മുഖ്യമന്ത്രി

Published on : November 13 - 2020 | 7:04 pm

തിരുവനന്തപുരം: ഇന്റർനെറ്റിന്റെ കാലഘട്ടത്തിൽ ഓൺലൈൻ വിദ്യഭ്യാസം കുട്ടികൾക്ക് സമ്മാനിച്ചത് മികച്ച അവസരമാണെന്ന് മുഖ്യമന്ത്രി പിണറായി വിജയൻ. ചെറിയ ക്ലാസുകൾ തൊട്ടു തന്നെ ഓൺലൈൻ വിദ്യഭ്യാസം നേടാനായ സാഹചര്യം ഭാവിയിൽ കുട്ടികൾക്ക് മികച്ച പഠന വൈഭവം തെളിയിക്കാനും, നൂതന ആശയങ്ങൾ വളർത്തിയെടുക്കാനും ഉപകരിക്കുമെന്ന് സംസ്ഥാന ശിശുക്ഷേമ സമിതിയുടെ ആഭിമുഖ്യത്തിൽ സംഘടിപ്പിച്ച ശിശുദിനാഘോഷ പരിപാടികൾ ഓൺലൈനായി ഉദ്ഘാടനം ചെയ്‌ത് മുഖ്യമന്ത്രി പറഞ്ഞു..
കോവിഡ്-19 ഏറ്റവുമധികം ബാധിച്ചത് കുട്ടികളെയാണ്. അവരുടെ സ്‌കൂൾ യാത്രകൾ, സ്‌കൂളിലെ പഠനസമയങ്ങൾ പുതിയ അനുഭവങ്ങൾ പകരുന്നതായിരുന്നു. കുറച്ചു മാസങ്ങളായി കുട്ടികൾക്ക് അത് സാധിക്കുന്നില്ലെങ്കിലും പഠനം മുടങ്ങാതിരിക്കാനുള്ള ശ്രദ്ധയും ജാഗ്രതയും പുലർത്തി ഓൺലൈൻ വിദ്യഭ്യാസം നല്ല നിലക്ക് സംഘടിപ്പിക്കാൻ സാധിച്ചത് വലിയ നേട്ടമാണെന്നും, കോവിഡ് മഹാമാരി നല്ല തോതിൽ നിയന്ത്രിക്കപ്പെട്ടാൽ മാനദണ്ഡങ്ങൾ പാലിച്ച് സ്‌കൂൾ തുറക്കുമെന്നും കുട്ടികൾ ആഗ്രഹിക്കുന്ന രീതിയിൽ പഠനം നടത്താൻ നമുക്ക് സാധിക്കുമെന്നും മുഖ്യമന്ത്രി പ്രത്യാശിച്ചു. കേരളത്തിൽ നല്ല നിലയ്ക്ക് മഹാമാരിയെ നിയന്ത്രിക്കാനായെങ്കിലും പലവിധ കാരണങ്ങളാൽ കോവിഡ് വ്യാപിക്കുന്ന സ്ഥിതി നിലവിലുണ്ട്. അതു കുറച്ചുകൊണ്ടുവരാനുള്ള ശ്രമത്തിലാണെന്നും, ഏതുകാര്യവും തെറ്റായി ഉപയോഗിച്ചാൽ അതിന്റെ ദൂഷ്യം വലുതായത് കൊണ്ട് തന്നെ ഇൻറർനെറ്റിന്റെ ദുരുപയോഗകാര്യത്തിൽ കുട്ടികളും മാതാപിതാക്കളും ജാഗ്രത പുലർത്തണമെന്നും, വ്യക്തിക്കും സമൂഹത്തിനും ദൂഷ്യങ്ങളുണ്ടാക്കുന്ന കാര്യങ്ങളിലേക്കൊന്നും കടക്കുന്നില്ലെന്ന് ഉറപ്പാക്കണമെന്നുമുള്ള അഭിപ്രായം പ്രകടിപ്പിച്ചു.

തുറന്ന സ്ഥലങ്ങളിലോ മുറികളിലോ വെച്ച് ഇൻറർനെറ്റ് ഉപയോഗിക്കാൻ വിദ്യാർഥികൾക്കാകണം. അത്തരമൊരു ശീലം വളർത്തിയെടുക്കാൻ രക്ഷിതാക്കൾ ശ്രദ്ധിക്കണം. ഇൻർനെറ്റ് വഴി പല രീതിയിലുള്ള അപകടങ്ങളിൽ നമ്മുടെ കുഞ്ഞുങ്ങൾ പെടുന്നതിന്റെ വാർത്തകൾ പല ഘട്ടങ്ങളിലും നാം കേൾക്കാറുണ്ട്. അതൊഴിവാക്കാൻ ഇത്തരം ശീലങ്ങൾ നമ്മെ സഹായിക്കും.
കുട്ടികളുടെ സംരക്ഷണത്തിന് അതീവ പ്രാധാന്യമാണ് നമ്മുടെ സമൂഹം നൽകുന്നത്. മറ്റേതൊരു സംസ്ഥാനത്തേക്കാളും മുന്നിൽനിൽക്കുന്ന പുരോഗമന സ്വഭാവം ആർജിക്കാൻ നമ്മുടെ സമൂഹത്തിനായിട്ടുണ്ട്. രാജ്യത്തിന്റെ ചിത്രമെടുത്താൽ ഒട്ടേറെ ദുരിതമനുഭവിക്കുന്ന കുട്ടികളെ കാണാനാകും. കുഞ്ഞുനാളിൽ അനുഭവിക്കേണ്ട സ്‌നേഹം, വാത്സല്യം, സംരക്ഷണം തുടങ്ങിയവ നഷ്ടപ്പെട്ടുപോയ കുട്ടികൾ നമ്മുടെ രാജ്യത്ത് കൂടുതലാണ്. വിദ്യാഭ്യാസത്തിന് കഴിയാതെ പല അതിക്രമങ്ങൾക്കിരയാകുന്നവരും വലിയതോതിലുണ്ട്. ഈ ദുരവസ്ഥ പൊതുവിൽ കേരളത്തിലില്ല. ഒറ്റപ്പെട്ട തോതിൽ സംഭവങ്ങളുണ്ടായാൽ അതിനെതിരെ നമ്മുടെ സമൂഹം പ്രതികരിക്കും. ഓരോ കുട്ടിക്കും തന്റെ ബാല്യം ശരിയായി ഉപയോഗിച്ചു വളർന്നുവരാനാകുന്ന സാഹചര്യം സൃഷ്ടിക്കാനാണ് കേരളത്തിൽ ആകാവുന്നതെല്ലാം ചെയ്യുന്നത്. നമ്മുടെ സമൂഹത്തിലും മയക്കുമരുന്ന് വ്യാപിപ്പിക്കാനുള്ള ശ്രമങ്ങളുണ്ട്. സമൂഹത്തിന്റെ പ്രതികരണശേഷി നഷ്ടപ്പെടുത്താൻ മയക്കുമരുന്നിനാകും അതിനെ ഇല്ലാതാക്കാൻ വിവിധ വകുപ്പുകൾ പ്രയത്‌നിക്കുന്നുണ്ട് അതോടൊപ്പം സ്‌കൂളുകളിലെ അധ്യാപകർ, അധ്യാപക-രക്ഷാകർതൃസമിതി, കുട്ടികൾ, സ്റ്റഡൻറ് പോലീസ്, എൻ.എസ്.എസ് തുടങ്ങി വിവിധതലങ്ങളിലെ ഇടപെടൽ ഉണ്ടാകണംമെന്നും, കുട്ടികളെ മയക്കുമരുന്നു വാഹകരാക്കാനുള്ള നീക്കം റാക്കറ്റുകളുടെ ഭാഗത്തുനിന്നുണ്ടാകാറുണ്ട്; അത് കൊണ്ട് തന്നെ സ്‌കൂളും പരിസരവും പൂർണമായും ഇതിൽനിന്ന് മോചനം നേടാൻ സാഹചര്യമൊരുക്കണമെന്നും അദ്ദേഹം പറഞ്ഞു. നമ്മുടെ സമൂഹം പുരോഗമന സ്വഭാവമുള്ളതാണെങ്കിലും കുട്ടികൾ അവിചാരിതമായ പ്രശ്‌നങ്ങളിൽപ്പെട്ട് വലിയ മാനസിക തകർച്ചനേരിടുന്ന അവസ്ഥകളുണ്ടാവാറുള്ളത് ഗൗരവമായി കാണേണ്ടതും ഇക്കാര്യത്തിൽ വീടിന്റെ അന്തരീക്ഷവും രക്ഷിതാക്കളുടെ ശ്രദ്ധയും സ്‌കൂളിൽ അധ്യാപകരുടെ പ്രത്യേക ശ്രദ്ധയും അത്യാവശ്യമാണ്. ശാരീരിക ആരോഗ്യത്തോടൊപ്പം മാനസിക ആരോഗ്യത്തോടെയും കുട്ടികൾക്ക് വളരാനാകുന്നതിന് മെൻറർ ടീച്ചറും കൗൺസലിങ് സംവിധാനവും സഹായകമാണെന്നും മുഖ്യമന്തി പറഞ്ഞു.

0 Comments

Related News