ഹയർ സെക്കൻഡറി ഒന്നാം വർഷ ഇംപ്രൂവ്മെന്റ് തുല്യതാ പരീക്ഷ ഫലം

തിരുവനന്തപുരം: ഹയർ സെക്കൻഡറി ഒന്നാം വർഷ ഇംപ്രൂവ്മെന്റ് തുല്യതാ പരീക്ഷ ഫലം പ്രസിദ്ധീകരിച്ചു. www.keralaresults.nic.in എന്ന വെബ്സൈറ്റിൽ പരീക്ഷാഫലം ലഭ്യമാണ്. ഉത്തരക്കടലാസുകളുടെ പുനർമൂല്യനിർണയത്തിനും സൂക്ഷ്മപരിശോധനയ്ക്കും ഫോട്ടോകോപ്പി ലഭിക്കുന്നതിനും ഇപ്പോൾ അപേക്ഷിക്കാം. നിശ്ചിത ഫോമിൽ ഉള്ള അപേക്ഷകൾ നിശ്ചിത ഫീസ് സഹിതം, പരീക്ഷയ്ക്ക് രജിസ്റ്റർ ചെയ്ത സ്കൂളിലെ പ്രിൻസിപ്പാളിന് സമർപ്പിക്കണം. ഈ മാസം 16നകം ഇവ സമർപ്പിക്കേണ്ടതാണ്.
(ഫീസ്)

പുനർമൂല്യനിർണയം – പേപ്പർ ഒന്നിന് 600 രൂപ.
ഫോട്ടോ കോപ്പി- പേപ്പറൊന്നിന് 400 രൂപ.
സൂക്ഷ്മപരിശോധന– പേപ്പറൊന്നിന് 200 രൂപ.
അപേക്ഷാഫോമുകൾ ഹയർസെക്കൻഡറി വെബ് പോർട്ടലിൽ ലഭ്യമാണെന്ന് ഹയർ സെക്കൻഡറി പരീക്ഷ ബോർഡ് സെക്രട്ടറി അറിയിച്ചു