തേഞ്ഞിപ്പലം: കാലിക്കറ്റ് സര്‍വകലാശാല 2020-21 അധ്യയന വര്‍ഷത്തെ പി.ജി. ഏകജാലക പ്രവേശനത്തോടനുബന്ധിച്ചുള്ള രണ്ടാം അലോട്ട്‌മെന്റ് പ്രസിദ്ധീകരിച്ചു. പുതുതായി അലോട്ട്‌മെന്റ് ലഭിച്ച വിദ്യാര്‍ത്ഥികള്‍ മാന്റേറ്ററി ഫീസടച്ച് നവംബര്‍ 16-ന് വൈകീട്ട് 3 മണിക്കു മുമ്പായി കോളജിലെത്തി സ്ഥിരം പ്രവേശനം നേടേണ്ടതാണ്.

പ്രവേശനത്തിന് ഹാജരാകുന്നതിനു മുമ്പ് അഡ്മിറ്റ് കാര്‍ഡില്‍ ലഭ്യമായ ഫോണ്‍ നമ്പറില്‍ കോളജുമായി ബന്ധപ്പെട്ട് പ്രവേശനത്തിന് ആവശ്യമായ നടപടിക്രമങ്ങള്‍ പാലിക്കേണ്ടതാണ്. ഹയര്‍ ഓപ്ഷന്‍ നിലനിര്‍ത്തിക്കൊണ്ട് വിദ്യാര്‍ത്ഥികള്‍ക്ക് സ്ഥിരം പ്രവേശനം നേടാവുന്നതാണ്. എന്നാല്‍ തുടര്‍ന്നുള്ള അലോട്ട്‌മെന്റുകളില്‍ ഹയര്‍ ഓപ്ഷന്‍ ലഭിക്കുകയാണെങ്കില്‍ നിലവില്‍ ലഭിച്ച അലോട്ട്‌മെന്റ് നഷ്ടപ്പെടുന്നതാണ്.