കേരള സർവകലാശാലയുടെ വിദൂരവിദ്യാഭ്യാസ വിഭാഗത്തിൽ പ്രവേശനം ആരംഭിച്ചു

തിരുവനന്തപുരം: കേരള സർവകലാശാലയുടെ 2020-21 അദ്ധ്യയനവർഷത്തെ ബിരുദ, ബിരുദാനന്തര വിദൂരവിദ്യാഭ്യാസ കോഴ്സുകളിലേക്ക് പ്രവേശനം ആരംഭിച്ചു. www.sde.keralauniversity.ac.in എന്ന വെബ്സൈറ്റ് വഴി അപേക്ഷിക്കാം.
മലയാളം, ഹിന്ദി, ഇംഗ്ലീഷ്, ഹിസ്റ്ററി, എക്കണോമിക്സ്, സോഷ്യോളജി, പൊളിറ്റിക്കൽ സയൻസ്, കൊമേഴ്സ്, ലൈബ്രറി സയൻസ്, കമ്പ്യൂട്ടർ അപ്ലിക്കേഷൻ, കമ്പ്യൂട്ടർ സയൻസ്, മാത്തമാറ്റിക്സ്, ബി.ബി.എ. എന്നീ ബിരുദ പ്രോഗ്രാമുകൾക്കും മലയാളം, ഹിന്ദി, ഇംഗ്ലീഷ്, ഹിസ്റ്ററി, ഇക്കണോമിക്സ്, സോഷ്യോളജി, പൊളിറ്റിക്കൽ സയൻസ്, പബ്ലിക് അഡമിനിസ്ട്രേഷൻ, കൊമേഴ്‌സ്, എം.ബി.എ, മാത്തമാറ്റിക്സ്, കമ്പ്യൂട്ടർ സയൻസ്, ലൈബ്രറി സയൻസ് എന്നീ ബിരുദാനന്തരബിരുദ പ്രോഗ്രാമുകൾക്കുമാണ് അപേക്ഷ ക്ഷണിച്ചിട്ടുള്ളത്. സർവലാശല നടത്തുന്ന റഗുലർ പ്രോഗ്രാമുകളുടെ സിലബസ് തന്നെയാണ് വിദൂരവിദ്യാഭ്യാസത്തിനുമുള്ളത്‌. അപേക്ഷകൾ ഓൺൈനായിട്ടാണ് സമർപ്പിക്കേണ്ടത്. ഫീസ് അടയ്ക്കാനും ഓൺലൈൻ സൗകര്യമുണ്ട്. യു.ജി. പ്രോഗ്രാമുകൾക്ക് ഒക്ടോബർ 31 ഉം പി.ജി. പ്രോഗ്രാമുകൾക്ക് നവംബർ 18 മാണ് അപേക്ഷകൾ സമർപ്പിക്കാനുള്ള അവസാന തീയതി.
യു.ജി. /പി.ജി. പ്രോഗ്രാമുകളുടെ ഓൺലൈൻ അപേക്ഷയുടെ ശരിപകർപ്പ്, അനുബന്ധരേഖകൾ മുതലായവ കാര്യവട്ടത്ത് പ്രവർത്തിക്കുന്ന വിദൂരവിദ്യാഭ്യാസ വിഭാഗം ഓഫീസിൽ രജിസ്ട്രേഡ്‌ / സ്പീഡ്‌പോസ്റ്റ് മുഖേന യഥാക്രമം നവംബർ അഞ്ച്, നവംബർ 23 തിയതികൾക്ക്‌ മുൻപ് കിട്ടിയിരിക്കണം.
വിശദവിവരങ്ങൾക്ക് www.ideku.net എന്ന വെബ്സൈറ്റ് സന്ദശിക്കുക.
വിദൂരവിദ്യാഭ്യാസ പ്രോഗ്രാമുകൾ നടത്താൻ യു.ജി.സി അനുമതി നൽകിയ കേരളത്തിലെ ഏക സർവകലാശാലയാണ് കേരള സർവ്വകലാശാല.