NEET പരീക്ഷാഫലം നാളെ: അന്തിമ ഉത്തര സൂചിക ഇന്ന്

ന്യൂഡൽഹി: കഴിഞ്ഞമാസം 13ന് നടന്ന നാഷണൽ‌ എൻ‌ട്രൻസ് കം എലിജിബിലിറ്റി ടെസ്റ്റ് (നീറ്റ്) പരീക്ഷയുടെ ഫലപ്രഖ്യാപനം നാളെ ഉണ്ടായേക്കും. ഫലപ്രഖ്യാപനത്തിനുള്ള നടപടികൾ നാഷണൽ ടെസ്റ്റിംഗ് ഏജൻസി പൂർത്തിയാക്കി. ntaneet.nic.in എന്ന സൈറ്റ് വഴി ഫലം അറിയാം. കോവിഡിനെ തുടർന്ന് പുതിയ സെഷനിൽ ഇനിയും കാലതാമസം ഉണ്ടാകാതിരിക്കാൻ നീറ്റ് ഫലം ഉടൻ പ്രഖ്യാപിക്കുമെന്ന് വിദ്യാഭ്യാസ മന്ത്രി രമേശ് പൊഖ്രിയാൽ നിഷാങ്ക് അറിയിച്ചിരുന്നു. നീറ്റ് പരീക്ഷയുടെ അന്തിമ ഉത്തര കീ ഇന്നുതന്നെ നീറ്റിന്റെ ഔദ്യോഗിക വെബ്സൈറ്റ് വഴി പുറത്തിറക്കുമെന്ന് അറിയുന്നു.