നീറ്റ് സൂപ്പർ സ്പെഷ്യലിറ്റി 2020: ഫലപ്രഖ്യാപനം ഇന്ന്

ന്യൂഡൽഹി: സൂപ്പർ സ്പെഷ്യാലിറ്റി കോഴ്സുകളിലേക്കുള്ള നാഷനൽ എലിജിബിലിറ്റി കം എൻട്രൻസ് ടെസ്റ്റിന്റെ (നീറ്റ്-എസ്എസ്) ഫലം ഇന്ന് പ്രഖ്യാപിക്കും. നാഷണൽ ബോർഡ് ഓഫ് എക്സാമിനേഷൻ (എൻ‌ബി‌ഇ)യുടെ ഔദ്യോഗിക വെബ്‌സൈറ്റുകളായ natboard.edu.in, nbe.edu.in എന്നിവയിൽ ഫലം ലഭ്യമാവും.
എൻ‌ബി‌ഇ ഐഡിയും പാസ്‌വേഡും ഉപയോഗിച്ച് ലോഗിൻ ചെയ്ത് അപേക്ഷകർ‌ക്ക് സ്കോർ ഡൗൺ‌ലോഡ് ചെയ്യാം.
സെപ്റ്റംബർ 15 നാണ് പരീക്ഷ നടന്നത്. നീറ്റ് എസ്എസ് യോഗ്യത നേടുന്നവർക്ക് ഡിഎം, എംസിഎച്ച്, ഡിഎൻബി സൂപ്പർ സ്‌പെഷ്യാലിറ്റി കോഴ്‌സുകളിലേക്ക് പ്രവേശനം ലഭിക്കും.
നീറ്റ്-എസ്എസിൽ അമ്പത് ശതമാനമോ അതിന് മുകളിലോ സ്കോർ നേടിയവരെയാണ് അതത് സ്പെഷ്യാലിറ്റികളിലേക്കുള്ള പ്രവേശനത്തിന് യോഗ്യതയുള്ളവരായി പ്രഖ്യാപിക്കുക. സ്പെഷ്യാലിറ്റി അടിസ്ഥാനത്തിലുള്ള മെറിറ്റ് ലിസ്റ്റും ഒപ്പം പ്രഖ്യാപിക്കുന്നുണ്ട്.