എൻ.എസ്.ക്യു.എഫ്. പാഠ്യപദ്ധതി നടപ്പിലാക്കി സംസ്ഥാനത്തെ വൊക്കേഷണൽ ഹയർസെക്കൻഡറി സ്കൂളുകൾ

തിരുവനന്തപുരം: നാഷണല്‍ സ്‌കില്‍ ക്വാളിഫിക്കേഷന്‍ ഫ്രെയിംവര്‍ക്ക് എന്ന എന്‍.എസ്.ക്യു.എഫ് പാഠ്യപദ്ധതിയിലേക്ക് മാറി സംസ്ഥാനത്തെ മുഴുവൻ വൊക്കേഷൻ ഹയർ സെക്കൻഡറി സ്കൂളുകളും. എൻ.എസ്.ക്യു.എഫ്. പാഠ്യപദ്ധതി നടപ്പിക്കലാക്കുന്നത് സംബന്ധിച്ച് സർക്കാർ ഉത്തരവ് പുറപ്പെടുവിച്ചു. തൊഴിലധിഷ്ഠിത മേഖലയിൽ ഉന്നത വിദ്യഭ്യാസം കൈവരിക്കുകയാണ് ഈ പാഠ്യപദ്ധതിയിലൂടെ ലക്ഷ്യമിടുന്നത്. 288 വൊക്കേഷണൽ ഹയർ സെക്കൻഡറി സ്കൂളുകളിലെ 857 ബാച്ചുകളിൽ കൂടിയാണ് എൻ.എസ്.ക്യു.എഫ് പാഠ്യപദ്ധതി നടപ്പാക്കാൻ സർക്കാർ ഉത്തരവായത്. ഇതോടെ സംസ്ഥാനത്തെ ആകെയുള്ള 389 സ്കൂളുകളിലും എൻ.എസ്.ക്യു.എഫ് പദ്ധതി നടപ്പാക്കിക്കഴിഞ്ഞു. 101 സ്കൂളുകളിൽ 2018-19, 2019-20 അദ്ധ്യയന വർഷങ്ങളിലായി പദ്ധതി നടപ്പാക്കിയിരുന്നു.