ന്യൂഡൽഹി : കേന്ദ്ര സിവിൽ ഏവിയേഷൻ മന്ത്രാലയത്തിന്റെ നിയന്ത്രണത്തിലുള്ള രാജീവ് ഗാന്ധി നാഷനൽ ഏവിയേഷൻ യൂണിവേഴ്‌സിറ്റിയിൽ (RGNAU) അപ്രന്റിസ് രീതിയിലുള്ള ബിഎംഎസ് (ബാച്‌ലർ ഓഫ് മാനേജ്മെന്റ് സ്റ്റഡീസ് ഇൻ ഏവിയേഷൻ സർ‍വീസസ് & എയർ കാർഗോ), പിജി ഡിപ്ലോമ ഇൻ എയർപോർട്ട് ഓപ്പറേഷൻസ് കോഴ്സുകളിലേക്ക് അപേക്ഷ ക്ഷണിച്ചു. ജൂലൈ 29 വരെ ഓൺലൈനായി അപേക്ഷിക്കാം. പ്ലസ്ടു 50 ശതമാനം മാർക്ക് നേടിയ വിദ്യാർത്ഥികൾക്ക് 3 വർഷം നീളുന്ന ബി.എം.എസ് കോഴ്സിന്അപേക്ഷിക്കാം. 55 ശതമാനം മാർക്കോടെയുള്ള ബിരുദമാണ് പിജി ഡിപ്ലോമക്ക് വേണ്ടത്. അഖിലേന്ത്യാ എൻട്രൻസ് ഓഗസ്റ്റ് 16 ന് നടക്കും. കൂടുതൽ വിവരങ്ങൾക്ക് www.rgnau.ac.in സന്ദർശിക്കുക.