editorial@schoolvartha.com | markeiting@schoolvartha.com
വിദ്യഭ്യാസ വാർത്തകൾ
Google Play School Vartha
പ്രധാന വാർത്തകൾ
മഴ: ഇന്ന് ഏതാനും ജില്ലകളിൽ വിദ്യാഭ്യാസ സ്ഥാപനങ്ങൾക്ക് അവധിഐ.സി.എസ്‌.ഇ പത്താം ക്ലാസ് ഒന്നാം സെമസ്റ്റര്‍ പരീക്ഷ ഇന്നുമുതല്‍വാക്സിൻ എടുക്കാത്ത അധ്യാപകർ സ്കൂളിൽ എത്തുന്നത് പ്രോത്സാഹിപ്പിക്കില്ല; വിദ്യാഭ്യാസ മന്ത്രിസർവകലാശാല പരീക്ഷകൾ മാറ്റി: വ്യാജ വാർത്തയെന്ന് അധികൃതർകായിക പഠനവിഭാഗത്തില്‍ അസോസിയേറ്റ് പ്രഫസര്‍ നിയമനംനീറ്റ് സ്കോർ സമർപ്പിക്കേണ്ടത് ഈ മാസം 30വരെ: കേരള റാങ്ക്പട്ടിക നീളുംപരീക്ഷാഫലം, പ്രാക്ടിക്കൽ, പുതുക്കിയ തീയതി: കേരള സർവകലാശാല വാർത്തകൾപരീക്ഷാഫീസ്, പരീക്ഷാഫലം, പുതുക്കിയ പരീക്ഷ: എംജി വാർത്തകൾഎംടിഎ പ്രവേശനം, സ്‌പെഷ്യല്‍ പരീക്ഷ: കാലിക്കറ്റ്‌ സർവകലാശാല വാർത്തകൾതവനൂര്‍ കാർഷിക എൻജിനീയറിങ് കോളേജിൽ ബിടെക് സ്പോട്ട് അഡ്മിഷൻ
[wpseo_breadcrumb]

വിദ്യാർത്ഥികളുടെയും അധ്യാപകരുടെയും പങ്കാളിത്തമില്ലാതെ ലോകപരിസ്ഥിതി ദിനാചരണം

Published on : June 05 - 2020 | 3:40 am

തിരുവനന്തപുരം: ലോകപരിസ്ഥിതി ദിനാചരണത്തോടനുബന്ധിച്ച് ഹരിതരകേരളം പദ്ധതിയുടെ ഭാഗമായി 57.7 ലക്ഷം വൃക്ഷത്തൈകൾ വിതരണം ചെയ്യും. വനംവകുപ്പ് തയ്യാറാക്കിയ വൃക്ഷത്തൈകളുടെ സംസ്ഥാനതല വിതരണത്തിന് മന്ത്രി കെ. രാജു ഇന്ന് തുടക്കം കുറിക്കും. തിരുവനന്തപുരം കുടപ്പനക്കുന്ന് ദൂരദർശൻകേന്ദ്ര വളപ്പിൽ രാവിലെ 9.30ന് നടക്കുന്ന ചടങ്ങിൽ തൈ നട്ടുകൊണ്ട് പരിസ്ഥിതിദിനാചരണ പരിപാടികൾക്കും മന്ത്രി തുടക്കമിടും.
സാമൂഹ്യവനവത്ക്കരണ വിഭാഗത്തിന്റെ നേതൃത്വത്തിൽ സംസ്ഥാനത്തെ 14 ജില്ലകളിലും പരിസ്ഥിതിദിനാചരണത്തിന്റെ ഭാഗമായുള്ള വൃക്ഷത്തൈ വിതരണവും നടീലും ഇതിനോടനുബന്ധിച്ച് നടക്കും. വിദ്യാർത്ഥികളുടെയും വിദ്യാലയങ്ങളുടെയും പങ്കാളിത്തമില്ലാത്ത ആദ്യ
ലോക പരിസ്ഥിതിദിനമാണ് സംസ്ഥാനത്ത് നടക്കുന്നത്. കോവിഡ് മാർഗനിർദ്ദേശങ്ങൾ കർശനമായി പാലിച്ചും വിപുലമായ പരിപാടികൾ ഒഴിവാക്കിയുമാണ് വകുപ്പ് ഇത്തവണ പരിസ്ഥിതി ദിനം ആചരിക്കുക.
പരിസ്ഥിതി ദിനത്തിൽ തുടങ്ങി ജൂലൈ മാസത്തിലെ വനമഹോത്സവം വരെയുള്ള കാലയളവിൽ വിദ്യാഭ്യാസസ്ഥാപനങ്ങൾ, തദ്ദേശ സ്ഥാപനങ്ങൾ, സർക്കാർ-സർക്കാരിതര സ്ഥാപനങ്ങൾ, യുവജന സംഘടനകൾ, മതസ്ഥാപനങ്ങൾ, മാധ്യമങ്ങൾ എന്നിവർക്ക് തൈകൾ സൗജന്യമായി ലഭിക്കും.
വനമഹോത്സവത്തിന്റെ ഭാഗമായി ആദിവാസി കോളനികൾ, വനസംരക്ഷണ സമിതി/ ഇക്കോഡെവലപ്പ്‌മെന്റ് കമ്മിറ്റികൾ എന്നിവയുടെ പരിധിയിൽ വരുന്ന വനമേഖലകൾ, വനപ്രദേശങ്ങളുടെ പുനസ്ഥാപനം എന്നിവയ്ക്കായി സാമൂഹ്യ വനവത്ക്കരണ വിഭാഗം 10.7 ലക്ഷം വൃക്ഷത്തൈകളാണ് വിതരണം ചെയ്യുക.
വനം വകുപ്പിന്റെ സാമൂഹ്യവനവത്ക്കരണ വിഭാഗം തയ്യാറാക്കിയ 57.7 ലക്ഷം തൈകളിൽ 24.89 ലക്ഷം ഫലവൃക്ഷത്തൈകളും 5.78 ലക്ഷം പുഷ്പിക്കുന്നവയും 7.84 ലക്ഷം ഔഷധ സസ്യങ്ങളും 3.77 ലക്ഷം സമുദ്ര/നദീതട സംരക്ഷണത്തിന് ഉപയോഗപ്രദമായതും തൈകൾ 15.37 ലക്ഷം തടിയുപയോഗത്തിനുള്ളവയുമാണ്. മാവ്, ഞാവൽ, പുളി, പ്ലാവ്, അമ്പഴം, സപ്പോട്ട, മാതളം, റംപുട്ടാൻ, മുരിങ്ങ, കണിക്കൊന്ന, മന്ദാരം, മഞ്ചാടി, മണിമരുത്, കുന്നിവാക,തേക്ക്, ഈട്ടി, കുമ്പിൾ, പൂവരശ്, അഗത്തിചീര, ദന്തപാല, മുള തുടങ്ങി നാൽപതോളം ഇനം വൃക്ഷത്തൈകളാണ് ഇക്കുറി വിതരണത്തിനായി തയാറാക്കിയത്.
ചടങ്ങിൽ ഡോ ശശി തരൂർ എംപി, വി.കെ.പ്രശാന്ത് എം എൽ എ, മേയർ കെ ശ്രീകുമാർ, വനംവകുപ്പ് അഡീഷണൽ ചീഫ് സെക്രട്ടറി ഡോ. ആശാ തോമസ്, മുഖ്യവനംമേധാവി പി. കെ.കേശവൻ, പി.സി. സി. എഫ്.ഇ പ്രദീപ് കുമാർ, സി. എഫ്. ഐ സിദ്ദീഖ്, കൗൺസിലർ അനിത.എ, ദൂരദർശൻ കേന്ദ്രം ഡെപ്യൂട്ടി ഡയറക്ടർ എസ്. സഞ്ജീവ്, ഡി.സി.എഫ്.വൈ.എം ഷാജികുമാർ തുടങ്ങിയവർ സംബന്ധിക്കും.

0 Comments

Related News