തിരുവനന്തപുരം: സംസ്ഥാനത്ത് കൊറോണ വ്യാപനം ഏറിയ സാഹചര്യത്തിൽ അധ്യാപകർ നാളെ മുതൽ സ്കൂളുകളിൽ ഹാജരാകേണ്ടെന്ന് മുഖ്യമന്ത്രി പിണറായി വിജയൻ. കൊറോണയുമായി ബന്ധപ്പെട്ട വാർത്താ സമ്മേളനത്തിലാണ് മുഖ്യമന്ത്രി ഇക്കാര്യം അറിയിച്ചത്. മാർച്ച്‌ 31 വരെ എല്ലാ വിദ്യാഭ്യാസ സ്ഥാപനങ്ങളും പരീക്ഷകളും റദ്ധാക്കിയിട്ടും അധ്യാപകർ ജോലിക്ക് എത്തണം എന്ന് നിർദേശം ഉണ്ടായിരുന്നു. എസ്എസ്എൽസി, ഹയർ സെക്കൻഡറി പരീക്ഷ ഡ്യൂട്ടിയിൽ ഉള്ളവർ തിരികെ സ്കൂളിൽ ജോലിക്ക് എത്തണം എന്നുള്ള പൊതുവിദ്യാഭ്യാസ വകുപ്പിന്റെ ഇന്നത്തെ ഉത്തരവും ഇതോടെ അസാധുവായി. വിദ്യാർത്ഥികൾക്കൊപ്പം അധ്യാപകരും വീടുകളിൽ കഴിയണം എന്നാണ് സർക്കാർ നിർദേശം.