ഡൽഹി സർവകലാശാല ബിഎ, ബികോം: സ്‌പെഷ്യൽ ഡ്രൈവ് കട്ട്-ഓഫ് ലിസ്റ്റ് പ്രവേശനം നാളെമുതൽ

 

തിരുവനന്തപുരം:നോൺ-കോളീജിയറ്റ് വിമൻസ് എജ്യുക്കേഷൻ ബോർഡിന് (NCWEB) കീഴിലുള്ള ബിഎ, ബികോം കോഴ്സ് പ്രവേശനത്തിനുള്ള സ്‌പെഷ്യൽ ഡ്രൈവ് കട്ട്-ഓഫ് ലിസ്റ്റ് ഡൽഹി യൂണിവേഴ്‌സിറ്റി (DU) പുറത്തിറക്കി. മുൻ കട്ട്-ഓഫ് റൗണ്ടുകളിൽ പ്രവേശനം നഷ്‌ടമായ ലഭിക്കാത്ത വിദ്യാർത്ഥികൾക്കുള്ള കട്ട്-ഓഫ് ലിസ്റ്റ് ആണിത്. യോഗ്യരായ ഉദ്യോഗാർത്ഥികൾക്ക് ഒക്ടോബർ 5 മുതൽ പ്രവേശനം നേടണം. http://du.ac.in വഴി സ്‌പെഷ്യൽ ഡ്രൈവ് കട്ട്-ഓഫ് ലിസ്റ്റ് പരിശോധിക്കാം. ഓൺലൈൻ പ്രവേശന നടപടികൾ ഒക്ടോബർ 5ന് രാവിലെ 10 മുതൽ 11:59 വരെ നടക്കും. 2024 ഒക്ടോബർ 6ന്, അതത് അധ്യാപന കേന്ദ്രങ്ങളിൽ സീറ്റ് ലഭ്യതയ്ക്ക് വിധേയമായി, 1 മുതൽ 5 വരെയുള്ള സ്പെഷ്യൽ കട്ട്-ഓഫുകളും ഉൾപ്പെടെ, മുൻ റൗണ്ടുകളിൽ പ്രവേശനം നേടാനാകാത്ത വിഭാഗങ്ങളിലുടനീളം യോഗ്യരായ എല്ലാ ഉദ്യോഗാർത്ഥികൾക്കും ഈ പ്രത്യേക കട്ട്-ഓഫ് ലിസ്റ്റ് ലഭ്യമാണ്.