തിരുവനന്തപുരം:അമേഠിയിലെ ‘ഇന്ദിരാഗാന്ധി രാഷ്ട്രീയ ഉഡാൻ അക്കാദമി’ നടത്തുന്ന 3വർഷ എയർക്രാഫ്റ്റ് മെയിന്റനൻസ് പ്രോഗ്രാമിന് ഇപ്പോൾ അപേക്ഷിക്കാം. അപേക്ഷ നൽകാനുള്ള അവസാന തീയതി മേയ് 9 ആണ്. https://igrua.gov.in/igrua-entrance വഴി കൂടുതൽ വിവരങ്ങൾ ലഭ്യമാണ്. വിമാനങ്ങളുടെ പരിപാലനച്ചുമതല നിർവഹിക്കുന്ന സാങ്കേതിക വിദഗ്ധരെ പരിശീലിപ്പിക്കുന്നതിനുള്ള കോഴ്സ് ആണ്. മാത്സ്, ഫിസിക്സ് വിഷയങ്ങളിൽ 50ശതമാനം മാർക്കോടെ പ്ലസ്ടു വിജയിച്ചവർക്ക് അപേക്ഷിക്കാം. 2000 രൂപയാണ് അപേക്ഷ ഫീസ്. ആകെ 30 സീറ്റ് ഉണ്ട്. 4.5 ലക്ഷം രൂപയാണ് ഫീസ്. ഇത് 3 ഗഡുക്കളായി അടയ്ക്കാം. ആർക്കും ഫീസിളവില്ല. ക്യാംപസിൽ താമസിക്കണം. ഭക്ഷണത്തിനും താമസത്തിനും മാസം 10,000 രൂപയോളം വേറെ നൽകണം. ജൂൺ 3ന് തിരുവനന്തപുരം ഉൾപ്പെടെയുള്ള കേന്ദ്രങ്ങളിൽ ഓൺലൈൻ ടെസ്റ്റ് നടത്തും. പ്ലസ്ടു നിലവാരത്തിൽ ജനറൽ ഇംഗ്ലിഷ്, മാത്സ്, ഫിസിക്സ്, യുക്തിചിന്ത, ആനുകാലികസംഭവങ്ങൾ എന്നിവയിലെ ഒബ്ജക്ടീവ് ചോദ്യങ്ങളടങ്ങിയതാണ് ടെസ്റ്റ്. ടെസ്റ്റിൽ വിജയിക്കുന്നവരെ ജൂലൈ 16 മുതൽ റായ് ബറേലിയിൽ നടക്കുന്ന ഇന്റർവ്യൂവിന് ക്ഷണിക്കും. കൂടുതൽ വിവരങ്ങൾക്ക് ഫോൺ-9696230588
![പോളിടെക്നിക് ഡിപ്ലോമ പ്രവേശനം: മൂന്നാം സ്പോട്ട് അഡ്മിഷൻ 9മുതൽ](https://schoolvartha.com/wp-content/uploads/2024/09/images-2024-09-07T214811.787.jpeg)
പോളിടെക്നിക് ഡിപ്ലോമ പ്രവേശനം: മൂന്നാം സ്പോട്ട് അഡ്മിഷൻ 9മുതൽ
തിരുവനന്തപുരം:സംസ്ഥാനത്തെ സാങ്കേതിക വിദ്യാഭ്യാസ വകുപ്പിന് കീഴിലുള്ള സർക്കാർ /...