വുഡ് സയൻസ് ആൻഡ് ടെക്നോളജി ഇൻസ്റ്റിറ്റ്യൂട്ടിൽ പിജി ഡിപ്ലോമ

 

തിരുവനന്തപുരം:ഇന്ത്യൻ കൗൺസിൽ ഓഫ് ഫോറസ്ട്രി റിസർച്ച് ആൻഡ് എജുക്കേഷനു കീഴിൽ പ്രവർത്തിക്കുന്ന ബംഗ്ലൂരിലെ ഇൻസ്റ്റിറ്റ്യൂട്ട് ഓഫ് വുഡ് സയൻസ് ആൻഡ് ടെക്നോളജിയിൽ ഒരു വർഷത്തെ പോസ്റ്റ് ഗ്രാജ്വേറ്റ് ഡിപ്ലോമ ഇൻ വുഡ് ആൻഡ് പാനൽ പ്രോഡക്റ്റ്സ് ടെക്നോളജി പ്രവേശനത്തിന് ഒക്ടോബർ 31വരെ അപേക്ഷിക്കാം. ബി.എസ്.സി (കെമിസ്ട്രി/ ഫിസിക്സ്/ മാത്തമാറ്റിക്സ്/ഫോറസ്ട്രി/ അഗ്രികൾചർ)/ബി. ഇ /ബിടെക് / അംഗീകൃത ബിരുദമുള്ളവർക്ക് അപേക്ഷിക്കാം. ഉയർന്ന പ്രായപരിധി 28 വയസ്സ്. എസ്. സി /എസ്. ടി /ഒ. ബി. സി /പി. എച്ച് വിഭാഗങ്ങളിൽ ഉള്ളവർക്ക് നിയമാനുസൃത വയസ്സിളവ് ലഭിക്കും. യോഗ്യതാ പരീക്ഷയ്ക്ക് ലഭിച്ച മാർക്കിന്റെ മെറിറ്റടിസ്ഥാനത്തിലാണ് സെലക്ഷൻ.

 

അപേക്ഷാ ഫീസ് Director, IWST ക്ക്‌ ബാംഗ്ലൂരിൽ മാറ്റാവുന്ന 500 രൂപയുടെ ഡിമാൻഡ് ഡ്രാഫ്റ്റ് അപേക്ഷയോടൊപ്പം ഉള്ളടക്കം ചെയ്യണം. നിർദ്ദേശപ്രകാരം തയ്യാറാക്കിയ അപേക്ഷാസർട്ടിഫിക്കറ്റ്, മാർക്ക് ഷീറ്റ് എന്നിവയുടെ ഫോട്ടോകോപ്പികൾ സഹിതം ഒക്ടോബർ 31ന് മുൻപായി The Director, institute of wood science and technology, Indian Council of Forestry Research and Education, IPIRTI Campus, PB NO 2273,P. O Yeshwanthpur, Bangalore -560022 എന്ന വിലാസത്തിൽ ലഭിക്കേണ്ടതാണ്. പ്രവേശന വിജ്ഞാപനത്തിനും അപേക്ഷാ ഫോമിനും https://iwsti.icfre.gov.in സന്ദർശിക്കുക.
ഫോൺ :080- 30534000,30534049,28394231-32-33. email : dir-iwst @icfre. Org.