തേഞ്ഞിപ്പലം:പുതിയ പാഠ്യപദ്ധതി അനുസരിച്ച് സ്പോര്ട്സ് മാനേജ്മെന്റ്, സ്ട്രെങ്ത് ആന്ഡ് കണ്ടീഷനിങ് എന്നീ കോഴ്സുകള് തുടങ്ങാന് ഒരുക്കങ്ങള് നടക്കുന്നതായി വൈസ് ചാന്സലര് ഡോ. എം.കെ. ജയരാജ്. കോളേജുകള് വിദ്യാര്ഥികളില് നിന്നു പിരിച്ചെടുക്കുന്ന സ്പോര്ട്സ് അഫിലിയേഷന് ഫീസ് യഥാസമയം സര്വകലാശാലയില് ഒടുക്കുന്നതിന് നടപടി വേണമെന്നും വി.സി. ആവശ്യപ്പെട്ടു. കോളേജുകളുടെ കൂടി കായികമേഖലാ സൗകര്യങ്ങള് വികസിപ്പിക്കുന്നതിനാണ് ഈ തുക വിനിയോഗിക്കുക.
2019-20 അധ്യയന വര്ഷത്തില് മാത്രം ഈ ഇനത്തില് സര്വകലാശാലക്ക് 5.67 കോടി രൂപയോളം ലഭിക്കാനുണ്ട്. കായിക വകുപ്പിനായി തയ്യാറാക്കിയ ഹാന്ഡ് ബുക്ക് ചടങ്ങില് വൈസ് ചാന്സലര് പ്രകാശനം ചെയ്തു. യോഗത്തില് കായിക പഠനവകുപ്പ് മേധാവി ഡോ. വി.പി. സക്കീര് ഹുസൈന് അധ്യക്ഷനായി. ഫിനാന്സ് ഓഫീസര് എന്.എ. അബ്ദുള് റഷീദ്, ഡയറക്ടര് ഡോ. കെ.പി. മനോജ്, കായികാധ്യാപക സംഘടനാ ഭാരവാഹികളായ ഡോ. ഹരിദയാല്, ഡോ. ഷിനു, അസി. രജിസ്ട്രാര് ആരിഫ തുടങ്ങിയവര് സംസാരിച്ചു.
