കണ്ണൂർ ഇന്റഗ്രേറ്റഡ് എംപിഇഎസ് പ്രവേശനം, പരീക്ഷാ വിജ്ഞാപനം, അഭിരുചി പരീക്ഷ

SUBSCRIBE OUR YOUTUBE CHANNEL  https://youtube.com/c/SchoolVartha
JOIN OUR WHATSAPP GROUP https://chat.whatsapp.com/BaDOlYpQHXNKpq43R5DvRz

കണ്ണൂർ:സർവകലാശാലയുടെ കീഴിലുള്ള സ്കൂൾ ഓഫ് ഫിസിക്കൽ എഡ്‌ജുക്കേഷൻ ആന്റ് സ്പോർട്സ് സയൻസസ് പഠന വകുപ്പിൽ 2023-24 അധ്യയന വർഷത്തിൽ പുതുതായി ആരംഭിക്കുന്ന ഇന്റഗ്രേറ്റഡ് എം.പി.ഇ.എസ് പ്രോഗ്രാമിലേക്കുള്ള പ്രവേശനത്തിന് അപേക്ഷ ക്ഷണിച്ചു. ഹയർ സെക്കന്ററി വിജയകരമായി പൂർത്തിയായവർക്ക്, അല്ലെങ്കിൽ സർവകലാശാല അംഗീകരിച്ച തത്തുല്യ യോഗ്യതയുള്ളവർക്ക് അപേക്ഷിക്കാം. എഴുത്ത് പരീക്ഷയുടെയും ഗെയിം പ്രൊഫിഷ്യൻസിയുടെയും കായിക ക്ഷമത പരിശോധനയുടെയും അടിസ്ഥാനത്തിലായിരിക്കും പ്രവേശനം. പ്രവേശനം നേടാൻ ആഗ്രഹിക്കുന്നവർക്ക് ജൂലൈ 11 ന് വൈകുന്നേരം 5 ഓൺലൈനായി അപേക്ഷിക്കാം.

പരീക്ഷാ വിജ്ഞാപനം
മൂന്നാം പ്രൊഫഷണൽ ബി.എ.എം.എസ്. സപ്ലിമെന്ററി (ഡിസംബർ 2020) പരീക്ഷകൾക്കായുള്ള പരീക്ഷാ വിജ്ഞാപനം സർവകലാശാല വെബ്സൈറ്റിൽ പ്രസിദ്ധീകരിച്ചു. പ്രസ്തുത പരീക്ഷകൾക്കുള്ള അപേക്ഷകൾ പിഴയില്ലാതെ ജൂൺ 30 വരേയും പിഴയോട് കൂടി ജൂലൈ 04 വരേയും സമർപ്പിക്കാം. അപേക്ഷയും ചലാൻ രശീതിയും ജൂലൈ 10 ന് വൈകുന്നേരം 5 മണിക്ക് മുമ്പായി സർവകലാശാലയിൽ ലഭ്യമാക്കേണ്ടതാണ്.

അഭിരുചി പരീക്ഷ
കണ്ണൂർ സർവകലാശാല സംഗീതപഠന വിഭാഗത്തിലെ 2023-24 വർഷത്തെ എം എ പ്രവേശനത്തിൻ്റെ ഭാഗമായുള്ള അഭിരുചി പരീക്ഷ ജൂൺ 24 ന് രാവിലെ 10:30 ന് പഠനവകുപ്പിൽ നടക്കും. കൂടുതൽ വിവരങ്ങൾക്ക് പഠനവകുപ്പുമായി ബന്ധപ്പെടണം.