വിദ്യാർഥികൾക്കും പൊതുജനങ്ങൾക്കും എം ജി സർവകലാശാല സന്ദർശിക്കാൻ അവസരം

SUBSCRIBE OUR YOUTUBE CHANNEL
https://youtube.com/c/SchoolVartha
JOIN OUR WHATSAPP GROUP https://chat.whatsapp.com/HGUHgZJ60Yr4eQPQ7jETYP
കോട്ടയം: വിദ്യാർഥികൾക്കും പൊതുജനങ്ങൾക്കും മഹാത്മാഗാന്ധി സർവകലാശാലയിലെ പഠന വകുപ്പുകളിലും സെന്ററുകളും  സന്ദർശിക്കാൻ അവസരം. തദ്ദേശസ്വയംഭരണ സ്ഥാപനങ്ങൾ, എൻ.ജി.ഒ., വ്യവസായ യൂണിറ്റുകൾ എന്നിവിടങ്ങളിൽ പ്രവർത്തിക്കുന്നവർക്കും അവസരമുണ്ട്. ഈ മാസം 26-ന് രാവിലെ 9 മുതൽ വൈകീട്ട് 6 വരെയാണ് പ്രവേശനം അനുവദിക്കുന്നത്. പൊതുസമൂഹത്തിനു മുന്നിൽ സർവകലാശാലയിലെ വിവിധ പഠനവകുപ്പുകളിലെ പ്രവർത്തനങ്ങളും ഗവേഷണസൗകര്യങ്ങളും അവതരിപ്പിക്കുകയെന്നതാണ് ലക്ഷ്യം. ലൈബ്രറി, ഗവേഷണശാല, മ്യൂസിയം, ശാസ്ത്രപ്രദർശനങ്ങൾ, ഫോട്ടോ/പോസ്റ്റർ എക്സിബിഷൻ, ബോധവത്കരണ ക്ലാസുകൾ, യോഗ/മനഃശാസ്ത്ര പരിശീലനം, സെമിനാറുകൾ/സംവാദങ്ങൾ, പുസ്തകമേള തുടങ്ങിയവയാണ് പരിപാടിയുടെ പ്രധാന ആകർഷണങ്ങൾ.