കോളേജ് വിദ്യാഭ്യാസ വകുപ്പിൽ ഫയൽ അദാലത്ത്: ജൂൺ 20 വരെ പരാതികൾ സമർപ്പിക്കാം

JOIN OUR WHATSAPP GROUP https://chat.whatsapp.com/Ho35uvTwPSTE3q7pfeRNbY

തിരുവനന്തപുരം: സർക്കാർ ഓഫീസുകളിലെ ഫയൽ തീർപ്പാക്കൽ യജ്ഞത്തിന്റെ ഭാഗമായി കോളേജ് വിദ്യാഭ്യാസ വകുപ്പിന്റെ കീഴിലുള്ള അഞ്ചു മേഖലാ ഓഫീസുകളുടെ പരിധിയിൽ വരുന്ന എയ്ഡഡ് കോളേജുകളിലെ 2022 മേയ് 31 വരെയുള്ള പെൻഡിംഗ് ഫയലുകൾ തീർപ്പാക്കുന്നതിനു കോളേജ് വിദ്യാഭ്യാസ വകുപ്പ് ഫയൽ അദാലത്ത് നടത്തും.അഞ്ച് മേഖലാ ഓഫീസുകളുടെ പരിധിയിൽ വരുന്ന ഫയലുകൾ സംബന്ധിച്ച പരാതികളുള്ളവർക്ക് കോളേജ് വിദ്യാഭ്യാസ വകുപ്പിന്റെ വെബ്‌സൈറ്റായ https://collegiateedu.kerala.gov.in ൽ ജൂൺ 20 വരെ പരാതികളും നിവേദനങ്ങളും സമർപ്പിക്കാം.

തൃശ്ശൂർ ഡി.ഡി.യിൽ പെന്റിംഗ് ആയ ഫയലുകൾ ജൂലൈ 12ന് തൃശ്ശൂർ സെന്റ് തോമസ് കോളേജിലും കൊല്ലം ഡി.ഡിയിൽ പെൻഡിംഗ് ആയ ഫയലുകൾ ജൂലൈ 19 കൊല്ലം എസ്.എൻ. കോളേജിലും എറണാകുളം ഡി.ഡി.യിൽ പെൻഡിംഗ് ആയ ഫയലുകൾ ജൂലൈ 22ന് എറണാകുളം സെന്റ് തെരേസാസ് കോളേജിലും കോഴിക്കോട് ഡി.ഡിയിൽ പെൻഡിംഗ് ആയ ഫയലുകൾ ജൂലൈ 26ന് കോഴിക്കോട് മലബാർ ക്രിസ്ത്യൻ കോളേജിലും കോട്ടയം ഡി.ഡിയിൽ പെൻഡിംഗ് ആയ ഫയലുകൾ ജൂലൈ 30ന് കോട്ടയം സി.എം.എസ് കോളേജിലും നടത്തും.രാവിലെ 10 മുതൽ മൂന്നു വരെ ഫയൽ അദാലത്ത് സ്ഥലത്ത് ഹാജരാകാവുന്നതാണ്. കൂടുതൽ വിവരങ്ങൾക്ക് 0471-2303107 എന്ന ഫോൺ നമ്പറിലോ dceadalat@gmail.com എന്ന ഇ-മെയിൽ വഴിയോ ബന്ധപ്പെടണം.

• എസ്എസ്എൽസി പരീക്ഷയുടെ മൂല്യ നിർണ്ണയതീയതി നീട്ടി ഉത്തരവിറങ്ങി
• സിബിഎസ്ഇ പത്താം ക്ലാസ്: മാർക്ക് മെച്ചപ്പെടുത്താനുള്ള രണ്ടാം പരീക്ഷയ്ക്ക് രജിസ്റ്റർ ചെയ്യാം
• ശാസ്ത്ര മാസികയ്ക്കും നൈപുണ്യ മേളയ്ക്കും പ്രത്യേകം ഗ്രേസ് മാർക്ക് അനുവദിച്ച് ഉത്തരവ്
• സെറ്റ് പരീക്ഷാഫലം:15.59 ശതമാനം വിജയം
• വിദ്യാർത്ഥികളുടെയും അധ്യാപകരുടെയും ശ്രദ്ധയ്ക്ക്: ഇന്നത്തെ പ്രധാന വിദ്യാഭ്യാസ വാർത്തകൾ