JOIN OUR WHATS APP GROUP https://chat.whatsapp.com/DNHMWETM4tz7rYFJUfBU5c
ന്യൂഡല്ഹി: യു.ജി.സി. നാഷണൽ എലിജിബിലിറ്റി ടെസ്റ്റിന് (നെറ്റ്) അപേക്ഷ സമർപ്പിക്കുന്നതിനുള്ള അവസാന തീയതി മെയ് 30വരെ നീട്ടി. മെയ് 20വരെയായിരുന്നു ആദ്യം സമയം നൽകിയിരുന്നത്. ജൂൺ രണ്ടാംവാരമാണ് പരീക്ഷ നടത്തുന്നത്. 2021 ഡിസംബർ മാസത്തേയും 2022 ജൂൺ മാസത്തേയും പരീക്ഷകള് ഒരുമിച്ചാണ് നടത്തുന്നത്. കൂടുതൽ അപേക്ഷകർ ഉള്ളതിനാലാണ് യു.ജി.സി. സമയം നീട്ടി നൽകിയത്.
നെറ്റ് വിഷയങ്ങളിൽ പുതിയ വിഷയമായി ഹിന്ദു സ്റ്റഡീസ് ഉൾപ്പെടുത്തിയതായി യുജിസി അറിയിച്ചിട്ടുണ്ട്. എൺപത്തി ഒന്ന് വിഷയങ്ങളായിരുന്നു ഉണ്ടായിരുന്നത്. എൺപത്തി രണ്ടാമത്തെ വിഷയമായാണ് ഹിന്ദു സ്റ്റഡീസും ഉൾപ്പെടുത്തിയത്. ജൂണിൽ നടക്കുന്ന പരീക്ഷയിൽ ഈ വിഷയത്തിനായും അപേക്ഷിക്കാം.
രാവിലെ 9 മുതല് 12വരെ, ഉച്ചയ്ക്ക് ശേഷം 3 മുതൽ 6വരെ എന്നിങ്ങനെ രണ്ട് ഷിഫ്റ്റുകളിലായിരിക്കും പരീക്ഷ. ഇപ്പോൾ പരീക്ഷാകേന്ദ്രങ്ങള് 239-ല്നിന്ന് 541 ആക്കി വര്ധിപ്പിച്ചു. കേരളത്തില് 16 കേന്ദ്രങ്ങളാണുള്ളത്. പരീക്ഷാ തീയതി, കേന്ദ്രങ്ങൾ എന്നിവ പ്രഖ്യാപിച്ചിട്ടില്ല.
അപേക്ഷാ ഫീസ്: ഈ പരീക്ഷ മുതൽ ഫീസിൽ 10 ശതമാനം വർധനവുണ്ട്. ജനറല് വിഭാഗത്തിന് 1100 രൂപ, ഇ.ഡബ്ല്യു.എസ്, ഒ.ബി.സി. (നോണ്ക്രീമിലെയര്) വിഭാഗക്കാർക്ക് 550 രൂപ, എസ്.സി./എസ്.ടി/ഭിന്നശേഷി വിഭാഗക്കാർക്ക് 275 രൂപ എന്നിങ്ങനെയാണ് ഫീസുകൾ.
വിശദ വിവരങ്ങൾക്കും അപേക്ഷ സമർപ്പിക്കുന്നതിനും: https://ugcnet.nta.nic.in, https://nta.ac.in
- കേന്ദ്ര അംഗീകാരത്തോടു കൂടിയ ലാബ് കെമിസ്റ്റ് (റബ്ബർ) സർട്ടിഫിക്കറ്റ് കോഴ്സ്
- നിപ്പ രോഗബാധ: മലപ്പുറത്ത് മാസ്ക് നിർബന്ധം, വിദ്യാഭ്യാസ സ്ഥാപനങ്ങൾക്കും വ്യാപാരങ്ങൾക്കും നിയന്ത്രണം
- ന്യൂനപക്ഷ യുവജനങ്ങൾക്ക് ഒരു ലക്ഷം തൊഴിലവസരങ്ങൾ: സംസ്ഥാനതല ഉദ്ഘാടനം 19ന്
- കെടെറ്റ് സര്ട്ടിഫിക്കറ്റ് പരിശോധന, ഹിന്ദി അധ്യാപക ഒഴിവ്
- ത്രിവത്സര എൽഎൽബി കോഴ്സ് പ്രവേശനം: അന്തിമ കാറ്റഗറി ലിസ്റ്റ്