പി.ജി. ഡിപ്ലോമ ഇൻ ഫിലോസഫിക്കൽ കൗൺസിലിങ്: കേരള സർവകലാശാല വാർത്തകൾ

JOIN OUR WHATSAPP GROUP https://chat.whatsapp.com/BCOwaLGheC02b6xzMmfnRT

തിരുവനന്തപുരം: കേരള സർവകലാശാല ഫിലോസഫി പഠനഗവേഷണവകുപ്പിന്റെ കീഴിൽ പ്രവർത്തിക്കുന്ന സെന്റർ ഫോർ ഫിലോസഫിക്കൽ കൗൺസിലിങ് ആന്റ് റിസർച്ച് നടത്തുന്ന പി.ജി.ഡിപ്ലോമ ഇൻ ഫിലോസഫിക്കൽ കൗൺസിലിങ് കോഴ്സിലേക്ക് അപേക്ഷ ക്ഷണിച്ചു.
കോഴ്സ് കാലാവധി: 1 വർഷം, ഫീസ്: 20,000 രൂപ. യോഗ്യത: 60% മാർക്കോടെ അംഗീകൃത സർവകലാശാല ബിരുദം. (ഫിലോസഫി, സൈക്കോളജി, സോഷ്യാളജി, സയൻസ് വിഷയങ്ങളിൽ ബിരുദം ഉളളവർക്ക് അപേക്ഷിക്കാം.) സീറ്റുകളുടെ എണ്ണം: 30. അപേക്ഷാഫോമിന്റെ വില: 100 രൂപ. അപേക്ഷ സ്വീകരിക്കുന്ന അവസാന തീയതി ഡിസംബർ 30. അപേക്ഷാഫോമും വിശദവിവരങ്ങളും http://cpcruok.com എന്ന വെബ്സൈറ്റിൽ ലഭ്യമാണ്. അപേക്ഷാഫോം കേരള സർവകലാശാല കാര്യവട്ടം ക്യാമ്പസിലുളള ഫിലോസഫി പഠന ഗവേഷണവകുപ്പിന്റെ ഓഫീസിൽ നിന്ന് നേരിട്ടും ലഭ്യമാണ്. വിശദവിവരങ്ങൾക്ക്: 9447586802 (ഡയറക്ടർ സി.പി.സി.ആർ), 9447903108 (കോഴ്സ് കോഡിനേറ്റർ)

കാഷ്വൽ ലേബർ: പുതിയ ലിസ്റ്റ്

കേരളസർവകലാശാലയിൽ ദിവസവേതന അടിസ്ഥാനത്തിൽ കാഷ്വൽ ലേബറർ നിയമനത്തിന് പുതിയ ലിസ്റ്റ് പ്രസിദ്ധീകരിച്ചു. 2020 ഡിസംബർ 22 ലെ വിജ്ഞാപനം അനുസരിച്ച് ലഭിച്ച അപേക്ഷകരെ ഉൾപ്പെടുത്തിയാണ് ലിസ്റ്റ്. വിജ്ഞാനപന പ്രകാരമുളള മാനദണ്ഡങ്ങൾ പാലിക്കാത്ത അപേക്ഷകരെ വെരിഫിക്കേഷൻ സമയത്ത് ലിസ്റ്റിൽ നിന്നും ഒഴിവാക്കുന്നതായിരിക്കും. ലിസ്റ്റിൽ ഉൾപ്പെട്ടിട്ടുളള അപേക്ഷകരുടെ വിവരങ്ങൾ കേരളസർവകലാശാലയുടെ വെബ് പോർട്ടലിൽ ലഭ്യമാണ്.(https://recruit.keralauniversity.ac.in/)