തിരുവനന്തപുരം: നേമം വിദ്യാധിരാജ ഹോമിയോപ്പതിക് മെഡിക്കൽ കോളജിലും കോട്ടയം ആതുരാശ്രമം എൻഎസ്എസ് ഹോമിയോപ്പതിക് മെഡിക്കൽ കോളജിലും ഒഴിവുള്ള ബിഎച്ച്എംഎസ് സീയുകളിലേക്ക് സ്പോട്ട് അഡ്മിഷൻ നടത്തുന്നു. വിദ്യാധിരാജ ഹോമിയോപ്പതിക് മെഡിക്കൽ കോളജിൽ അഞ്ച് സീറ്റുകളും കോട്ടയം ആതുരാശ്രമം എൻഎസ്എസ് ഹോമിയോപ്പതിക് മെഡിക്കൽ കോളജിൽ ഒരു സീറ്റുമാണ് ഉള്ളത്.
ഈ സീറ്റുകളിലേക്ക് കേരള എൻട്രൻസ് കമ്മീഷണറുടെ 2020-21 ലെ മെഡിക്കൽ റാങ്ക് ലിസ്റ്റിൽ ഉൾപ്പെട്ട വിദ്യാർഥികൾക്കായി സ്പോട്ട് അഡ്മിഷൻ നടത്തും.
താൽപര്യമുള്ളവർ അസ്സൽ സർട്ടിഫിക്കറ്റുകളും നീറ്റിന്റെ അഡ്മിറ്റ് കാർഡും എൻട്രൻസ് കമ്മീഷണറുടെ മാർക്ക് ഡേറ്റാ ഷീറ്റും ഇപ്പോൾ പഠിക്കുന്ന സ്ഥാപനത്തിൽ നിന്നുള്ള നിരാക്ഷേപ പത്രവും (എൻ.ഒ.സി)/ ഒടുവിൽ പഠിച്ച സ്ഥാപനത്തിൽ നിന്നുള്ള വിടുതൽ സർട്ടിഫിക്കറ്റും (റ്റി.സി) സഹിതം 18ന് രാവിലെ 11 മണിക്ക് തിരുവനന്തപുരം ഐരാണിമുട്ടത്തുള്ള ഗവ. ഹോമിയോപ്പതിക് മെഡിക്കൽ കോളേജ് പ്രിൻസിപ്പൽ & കൺട്രോളിംഗ് ഓഫീസറുടെ ഓഫീസിൽ നേരിട്ട് ഹാജരാകണം. 12 മണിക്ക് ശേഷം ഹാജരാകുന്നവരെ അഭിമുഖത്തിൽ പങ്കെടുപ്പിക്കില്ല. എൻട്രൻസ് കമ്മീഷണറുടെ അലോട്ട്മെന്റ് മുഖേന ബി.എച്ച്.എം.എസിന് പ്രവേശനം ലഭിച്ചവർ അഡ്മിഷന് അർഹരല്ല. കൂടുതൽ വിവരങ്ങൾക്ക്: 0471-2459459.