അലിഗഢ് സർവകലാശാല പ്രവേശനം: അപേക്ഷ തീയതി നീട്ടി

പെരിന്തൽമണ്ണ: അലിഗഢ് മുസ്ലിം സർവകലാശാലയിൽ  വിവിധ കോഴ്സുകളിലേക്ക് അപേക്ഷിക്കാനുള്ള തീയതി 21വരെ  നീട്ടി സർവകലാശാല. അപേക്ഷാ കാലാവധി മാർച്ചിൽ അവസാനിച്ചിരുന്നു. എം.ബി.എ, ബി.എ, എൽ.എൽ.ബി (അഞ്ച് വർഷം), ബി.എഡ് (അറബിക്, ബയോളജിക്കൽ സയൻസ്, കൊമേഴ്സ്, സിവിക്സ്, ഇക്കണോമിക്സ്, ഇംഗ്ലീഷ്, ജ്യോഗ്രഫി, ഹിന്ദി, ഹിസ്റ്ററി, ഇസ്ലാമിക് സ്റ്റഡീസ്, മാത്തമാറ്റിക്സ്, ഫിസിക്കൽ സയൻസ്, ഉറുദു, മലയാളം) കോഴ്സുകളാണ് മലപ്പുറം കേന്ദ്രത്തിൽ നിലവിലുള്ളത്. പ്രവേശനപരീക്ഷയിലൂടെയാണ് അഡ്മിഷൻ. അലിഗഢ് പ്രധാനകേന്ദ്രത്തിലെ ബി.എ, ബി.എസ്സി, ബി.കോം, ബി.ടെക്. കോഴ്സുകളുടെ പ്രവേശനപ്പരീക്ഷയ്ക്കും കോഴിക്കോട് കേന്ദ്രമുണ്ട്. വിവരങ്ങൾക്ക് ഓഫീസുമായോ 04933 298299 നമ്പറിലോ www.amucontrollerexams.com എന്ന വെബ്സൈറ്റിലൂടെയോ ബന്ധപ്പെടാം.