തിരുവനന്തപുരം:കൊച്ചി, കോഴിക്കോട് രാജ്യാന്തര വിമാനത്താവളങ്ങളിൽ വിവിധ തസ്തികകളിലെ നിയമനത്തിന് ഇപ്പോൾ അപേക്ഷിക്കാം. ജൂനിയർ ടെക്നിക്കൽ ഓഫിസർ മുതൽ ഹാൻഡിമാൻ വരെയുള്ള തസ്തികകളിലായി 323 ഒഴിവുകളാണ് ഉള്ളത്. എൻജിനീയറിങ്ങിൽ ഡിഗ്രി, ഡിപ്ലോമ യോഗ്യതയുള്ളവർക്കു മികച്ച അവസരമുണ്ട്. 3 വർഷത്തെ കരാർ നിയമനമാണ്. സ്ത്രീകൾക്കും പുരുഷന്മാർക്കും അപേക്ഷിക്കാം. ഒക്ടോബർ 17, 18, 19 തീയതികളിൽ എറണാകുളത്ത് അഭിമുഖം ഉണ്ട്.
.jpg)
തസ്തികകളും ഒഴിവുകളും
🔵ഹാൻഡിമാൻ/ ഹാൻഡിവുമൺ (279ഒഴിവുകൾ), റാംപ് സർവീസ് എക്സിക്യൂട്ടീവ്/യൂട്ടിലിറ്റി ഏജന്റ് കം റാംപ് ഡ്രൈവർ (39ഒഴിവുകൾ), ജൂനിയർ ഓഫീസർ (ടെക്നിക്കൽ-5 ഒഴിവുകൾ).
🔵ജൂനിയർ ഓഫീസർ (ടെക്നിക്കൽ) മെക്കാനിക്കൽ/ഓട്ടമൊബീൽ/പ്രൊഡക്‌ഷൻ/ഇലക്ട്രിക്കൽ/ഇലക്ട്രിക്കൽ ആൻഡ് ഇലക്ട്രോണിക്സ്/ഇലക്ട്രോണിക്സ് ആൻഡ് കമ്യൂണിക്കേഷൻ എൻജിനീയറിങ് ബിരുദം, എൽഎംവി വേണം, എച്ച്എംവി ഡ്രൈവിങ് ലൈസൻസ് (പരിചയമുള്ളവർക്കു മുൻഗണന). 28,200 രൂപ ശമ്പളം.
🔵റാംപ് സർവീസ് എക്സിക്യൂട്ടീവ്. 3 വർഷ ഡിപ്ലോമ (മെക്കാനിക്കൽ/ഇലക്ട്രിക്കൽ/പ്രൊഡക്‌ഷൻ/ഇലക്ട്രോണിക്സ്/ഒാട്ടമൊബീൽ). അല്ലെങ്കിൽ ഐടിഐ വിത് എൻസിടിവിടി (മോട്ടർ വെഹിക്കിൾ ഓട്ടോ ഇലക്ട്രിക്കൽ/ എയർ കണ്ടീഷനിങ്/ഡീസൽ മെക്കാനിക്/ബെഞ്ച് ഫിറ്റർ/വെൽഡർ); എച്ച്എംവി; 23,640 (വെൽഡർ ട്രേഡിൽ ഒരു വർഷ പരിചയം).
🔵യൂട്ടിലിറ്റി ഏജന്റ് കം റാംപ് ഡ്രൈവർ. പത്താം ക്ലാസ് പാസാകണം. എച്ച്എംവി ഡ്രൈവിങ് ലൈസൻസ്; 20,130 രൂപ ശമ്പളം.
🔵ഹാൻഡിമാൻ/ഹാൻഡിവുമൺ. പത്താം ക്ലാസ് പാസാകണം. ഇംഗ്ലിഷിൽ പ്രാവീണ്യം വേണം. ഹിന്ദി, പ്രാദേശിക ഭാഷ എന്നിവയിൽ അറിവ് അഭികാമ്യം; 17,850 രൂപ ശമ്പളം. യോഗ്യത സംബന്ധിച്ച കൂടുതൽ വിവരങ്ങൾ വെബ്സൈറ്റിലുണ്ട്. ഉയർന്ന പ്രായപരിധി 28 വയസ്.
അപേക്ഷ ഫീസ് 500 രൂപ. ഫീസ് AI AIRPORT SERVICES LIMITED എന്ന പേരിൽ മുംബൈയിൽ മാറാവുന്ന ഡിഡിയായി അടയ്ക്കണം. പട്ടികവിഭാഗം, വിമുക്തഭടൻമാർക്കു ഫീസ് അടയ്‌ക്കേണ്ടതില്ല.
ഇന്റർവ്യൂ, സ്കിൽ ടെസ്റ്റ് എന്നിവ മുഖേനയാണ് തിരഞ്ഞെടുപ്പ്. കൂടുതൽ വിവരങ്ങൾക്ക് http://aiasl.in സന്ദർശിക്കുക.
