പി ജി, ബിഎഡ് പ്രവേശന തീയതി നീട്ടി, പിജി സീറ്റൊഴിവുകൾ: എംജി വാർത്തകൾ

Jul 19, 2022 at 6:28 pm

Follow us on

SUBSCRIBE OUR YOUTUBE CHANNEL https://youtube.com/c/SchoolVartha

JOIN OUR WHATSAPP GROUP https://chat.whatsapp.com/GI7mCYidGpOG8b8bsjnX37

കോട്ടയം: മഹാത്മാഗാന്ധി സർവകലാശാല ബിരുദാനന്തര ബിരുദ, ബി എഡ് പ്രോഗ്രാമുകളിൽ പ്രവേശനത്തിനുള്ള അപേക്ഷ തീയതി നീട്ടി. പുതുക്കിയ സമയക്രമം അനുസരിച്ച് ബിരുദാനന്തര ബിരുദ, ബി എഡ് പ്രോഗ്രാമുകൾക്ക് ജൂലായ് 30 വരെ അപേക്ഷിക്കാം. സാധ്യത അലോട്മെൻറ് ഓഗസ്റ്റ് അഞ്ചിനും ഒന്നാം അലോട്മെൻറ് ഓഗസ്റ്റ് 12 നും പ്രസിദ്ധീകരിക്കും സ്പോർട്സ് കൾച്ചറൽ വികലാംഗ ക്വാട്ടയിലേക്ക് ജൂലായ് 27 വരെ അപേക്ഷിക്കാം. ഇതിൻറെ താത്കാലിക റാങ്ക് ലിസ്റ്റ് 30 നും അന്തിമ ലിസ്റ്റ് ഓഗസ്റ്റ് 2നും പ്രസിദ്ധീകരിക്കും. പ്രവേശനം ഓഗസ്റ്റ് രണ്ടു മൂന്ന് തീയതികളിൽ ബന്ധപ്പെട്ട കോളജുകളിൽ നടക്കും.👇🏻👇🏻

\"\"

പിജി സീറ്റൊഴിവുകൾ

സ്‌കൂൾ ഓഫ് എൻവിയോണ്മെന്റൽ സയൻസിൽ എം.എസ്.സി അപ്ലൈയ്ഡ് ജിയോളജി പ്രോഗ്രാമിലേക്ക് എസ്.ടി. വിഭാഗത്തിൽ ഒരു സീറ്റൊഴിവുണ്ട്. താല്പര്യമുള്ളവർ യോഗ്യത തെളിയിക്കുന്ന സർട്ടിഫിക്കറ്റുകൾ സഹിതം ജൂലൈ 22 ന് അകം സ്കൂൾ ഓഫീസിൽ എത്തണം. വിശദ വിവരങ്ങൾക്ക് ഫോൺ: 9447573027👇🏻👇🏻

\"\"

മഹാത്മാഗാന്ധി സർവകലാശാല സ്കൂൾ ഓഫ് സോഷ്യൽ സയൻസിൽ എം. എ ഹിസ്റ്ററി, എം. എ ആന്ത്രപ്പോളജി കോഴ്‌സിലേക്ക് എൽ. സി, വിശ്വകർമ, കുടുംബി വിഭാഗങ്ങളിൽ ഓരോ സീറ്റൊഴിവുണ്ട്. താല്പര്യമുള്ളവർ യോഗ്യത തെളിയിക്കുന്ന സർട്ടിഫിക്കറ്റുകൾ സഹിതം ജൂലൈ 21 ന് 11 മണിക്ക് പുല്ലേരി കുന്നിലുള്ള സ്കൂൾ ഓഫീസിൽ എത്തണം.

സ്‌കൂൾ ഓഫ് ലെറ്റേഴ്‌സിൽ എം.എ. മലയാളം (2022-2024) പ്രോഗ്രാമിലേക്ക് എസ്.ടി. വിഭാഗത്തിൽ ഒരു സീറ്റൊഴിവുണ്ട്. താല്പര്യമുള്ളവർക്ക് യോഗ്യത തെളിയിക്കുന്ന സർട്ടിഫിക്കറ്റുകൾ സഹിതം ജൂലൈ 22 ന് രാവിലെ 11.30 ന് ഡിപ്പാർട്ട്‌മെന്റിൽ വച്ച് നടക്കുന്ന സ്‌പോട്ട് അഡ്മിഷനിൽ പങ്കെടുക്കാം.👇🏻👇🏻

\"\"

മഹാത്മാഗാന്ധി സർവ്വകലാശാല പഠനവകുപ്പായ സ്‌കൂൾ ഓഫ് ബിഹേവിയറൽ സയൻസസിൽ എം.എസ്.സി. സൈക്കോളജി പ്രോഗ്രാമിൽ 2022-24 പ്രവേശന ബാച്ചിൽ എസ്.ടി. വിഭാഗത്തിൽ ഒരു സീറ്റൊഴിവുണ്ട്. താൽപര്യമുള്ളവർ 0481-2731035, 9496201466, 9495213248 എന്നീ ഫോൺ നമ്പറുകളിൽ ഉടൻ ബന്ധപ്പെടുക.

മഹാത്മാഗാന്ധി സർവ്വകലാശാല സ്‌കൂൾ ഓഫ് ആർട്ടിഫിഷ്യൽ ഇന്റലിജൻസ് ആന്റ് റോബോട്ടിക്‌സ് വകുപ്പിൽ എം.എസ്.സി. ആർട്ടിഫിഷ്യൽ ഇന്റലിജൻസ് ആന്റ് മെഷീൻ ലേർണിംഗ് ബാച്ചിലേക്ക് (2022 അഡ്മിഷൻ) ഓപ്പൺ, എസ്.സി. (രണ്ട്) വിഭാഗങ്ങളിൽ സീറ്റുകൾ ഒഴിവുണ്ട്. അർഹരായ വിദ്യാർത്ഥികൾ അസ്സൽ യോഗ്യത രേഖകളുമായി ജൂലൈ 20 ന് 11 മണിക്ക് മഹാത്മാഗാന്ധി സർവ്വകലാശാല കൺവെർജൻസ് അക്കാദമിയ കോംപ്ലക്‌സിലുള്ള റൂം നമ്പർ 514 ൽ വകുപ്പ് ഓഫീസിൽ നടത്തുന്ന ഓപ്പൺ അഡ്മിഷനിൽ നേരിട്ട് ഹാജരാകേണ്ടതാണ്. കൂടുതൽ വിവരങ്ങൾക്ക് 9446459644 എന്ന ഫോൺ നമ്പറിൽ ബന്ധപ്പെടുക.

\"\"

Follow us on

Related News