editorial@schoolvartha.com | markeiting@schoolvartha.com
വിദ്യഭ്യാസ വാർത്തകൾ
Google Play School Vartha
പ്രധാന വാർത്തകൾ
വിദ്യാഭ്യാസരംഗത്തെ സമഗ്ര മുന്നേറ്റത്തിനു കായികപരമായ കഴിവുകള്‍ പ്രോത്സാഹിപ്പിക്കപ്പെടണമെന്നു മുഖ്യമന്ത്രിസംസ്ഥാന സ്കൂൾ കായികമേളയ്ക്ക് കൊടിയേറി: 9 സ്വർണ്ണവുമായി പാലക്കാട്‌ മുന്നിൽവിവിധ പരീക്ഷകൾ, ഫിസിയോതെറാപ്പിസ്റ്റ് നിയമനം: കാലിക്കറ്റ്‌ സർവകലാശാല വാർത്തകൾസംസ്കൃത സർവകലാശാല പരീക്ഷ തീയതികളിൽ മാറ്റംപരീക്ഷകൾ മാറ്റി, പരീക്ഷാഫലം, ടൈം ടേബിളിൽ മാറ്റം: എംജി സർവകലാശാല വാർത്തകൾഹയർ സെക്കന്ററി ഒന്നാംവർഷ തുല്യതാ ഇംപൂവ്മെന്റ്/സപ്ലിമെന്ററി പരീക്ഷകൾ ജനുവരി 20മുതൽനവോത്ഥാന നായകരുയര്‍ത്തിയ സാര്‍വത്രിക വിദ്യാഭ്യാസം ഉന്നത നിലവാരത്തോടെയാണ് സര്‍ക്കാര്‍ നടപ്പാക്കുന്നതെന്ന് മുഖ്യമന്ത്രി പിണറായി വിജയന്‍മോഡല്‍ കരിയര്‍ സെന്റര്‍ സൗജന്യ പ്ലേസ്‌മെന്റ് ഡ്രൈവ്: ഡിസംബര്‍ 16വരെ രജിസ്‌ട്രേഷന്‍ഗുരുവായൂർ ഏകാദശി: ശനിയാഴ്ച്ച പ്രാദേശിക അവധിശുചിത്വമിഷനില്‍ അവസരം: ഡിസംബര്‍ 9വരെ അപേക്ഷിക്കാം

ഗവ. ഹയര്‍ സെക്കന്‍ഡറി സ്‌കൂളുകളിലെ അടിസ്ഥാന വികസനം: ലാബ്, ലൈബ്രറി, ഫര്‍ണ്ണിച്ചര്‍ ഉപകരണങ്ങള്‍ക്കായി ഒമ്പത് കോടിയുടെ പദ്ധതി; സ്‌കൂളുകളുടെ മുന്‍ഗണനാ പട്ടിക തയ്യാറാക്കാന്‍ നിര്‍ദേശം

Published on : June 22 - 2022 | 5:25 pm

JOIN OUR WHATSAPP GROUP https://chat.whatsapp.com/DWYZgC3xISkCKoxold7q7S

സ്വന്തം ലേഖകന്‍
തിരുവനന്തപുരം: സംസ്ഥാനത്തെ സര്‍ക്കാര്‍ സ്‌കൂളുകളുടെ അടിസ്ഥാനസൗകര്യം മെച്ചപ്പെടുത്തുന്നതിന്റെ ഭാഗമായി ഉപകരണങ്ങള്‍ വാങ്ങുന്നതിന് സ്‌കൂളുകളുടെ മുന്‍ഗണനാ പട്ടിക തയ്യാറാക്കാന്‍ സര്‍ക്കാര്‍ നിര്‍ദേശം. സയന്‍സ് ലാബ്, ഫര്‍ണിച്ചര്‍, ലൈബ്രറി പുസ്തകങ്ങള്‍ എന്നിവക്കാണ് സര്‍ക്കാര്‍ തുക അനുവദിച്ചിട്ടുള്ളത്. സയന്‍സ് ലാബില്‍ ഉപകരണങ്ങള്‍ വാങ്ങുന്നതിനായി ഒരു സ്‌കൂളിന് 2ലക്ഷം രൂപ നിരക്കില്‍ 4 കോടി രൂപയാണ് സര്‍ക്കാര്‍ വാര്‍ഷിക പദ്ധതിയില്‍ വകയിരുത്തിയിട്ടുള്ളത്. ലാബ് ഉപകരണങ്ങളുടെ അത്യാവശ്യം

മുന്‍നിര്‍ത്തി ഓരോ ജില്ലയിലേയും സ്‌കൂളുകളുടെ മുന്‍ഗണനാടിസ്ഥാനത്തിലുള്ള ലിസ്റ്റ് തയ്യാറാക്കാനാണ് ആവശ്യപ്പെട്ടിട്ടുള്ളത്. ലൈബ്രറി പുസ്തകങ്ങള്‍ വാങ്ങുന്നതിന് ഒരു സ്‌കൂളിന് അര ലക്ഷം രൂപ വീതമാണ് അനുവദിച്ചിട്ടുള്ളത്. 200 സ്‌കൂളുകള്‍ക്കായി ഒരു കോടി രൂപയാണ് സര്‍ക്കാര്‍ നീക്കിവെച്ചിരിക്കുന്നത്. ലൈബ്രറി പുസ്തകങ്ങളുടെ അപര്യാപ്തത നേരിടുന്ന സ്‌കൂളുകളുടെ മുന്‍ഗണന പട്ടികയാണ് തയ്യാറാക്കേണ്ടത്. ഫര്‍ണ്ണിച്ചര്‍ വാങ്ങുന്നതിന് ഒരു സ്‌കൂളിന് രണ്ട് ലക്ഷം വീതമാണ് അനുവദിക്കുക. നാല് കോടി രൂപ ഇതിനായി വാര്‍ഷിക പദ്ധതിയില്‍ നീക്കിവെച്ചിട്ടുണ്ട്. ഓരോ ഹയര്‍ സെക്കന്‍ഡറി ഉപമേഖലാ ഓഫീസുകളും സ്‌കൂള്‍

പരിശോധന നടത്തി തങ്ങളുടെ കീഴില്‍ വരുന്ന 2 ജില്ലകളില്‍ നിന്ന് ഒരു ജില്ലക്ക് 20 സ്‌കൂള്‍ എന്ന നിലയിലാണ് മൂന്ന് പദ്ധതിക്കും മുന്‍ഗണന പട്ടിക തയ്യാറാക്കേണ്ടത്. കഴിഞ്ഞ സാമ്പത്തിക വര്‍ഷത്തെ പട്ടികയില്‍ ഉള്‍പ്പെട്ടിട്ടുള്ള സ്‌കൂളുകളെ പുതുതായി പരിഗണിക്കേണ്ടതില്ലെന്ന് സര്‍ക്കാര്‍ വ്യക്തമാക്കിയിട്ടുണ്ട്. സ്‌കൂളുകള്‍ തുക പൂര്‍ണ്ണമായും ഉപയോഗപ്പെടുത്തുന്നുവെന്ന് ആര്‍.ഡി.ഡിമാര്‍ ഉറപ്പ് വരുത്തണം. സ്‌കൂളുകളുടെ പട്ടിക ജൂലൈ പതിനഞ്ചിനകം

സമര്‍പ്പിക്കണം. ആഗസ്റ്റ് ഒന്നിനകം ഈ സ്‌കൂളുകള്‍ക്ക് ഭരണാനുമതി നല്‍കും. ആഗസ്റ്റ് 31നകം വാങ്ങല്‍ നടപടികള്‍ പൂര്‍ത്തിയാക്കണം. സെപ്റ്റംബര്‍ പതിനഞ്ചിനകം ഫണ്ട് പൂര്‍ണ്ണമായും ചെലവഴിക്കണം.

0 Comments

Related News