JOIN OUR WHATSAPP GROUP https://chat.whatsapp.com/BCOwaLGheC02b6xzMmfnRT
കൊച്ചി: സ്കൂളുകളിൽ ജെൻഡർ ന്യൂട്രൽ യൂണിഫോം ഏർപ്പെടുത്തുന്ന കാര്യത്തിൽ സർക്കാരിന് നിർബന്ധമില്ലെന്ന് മന്ത്രി വി.ശിവൻകുട്ടി. സ്വകാര്യചാനൽ പരിപാടിയിലാണ് മന്ത്രിയുടെ പ്രതികരണം. സ്കൂൾ അധികൃതരും പിടിഎ അടക്കമുള്ളവരും തീരുമാനിക്കുന്ന യൂണിഫോമിന് സർക്കാർ പിന്തുണ നൽകും. പെൺകുട്ടികളുടെ സ്കൂളുകുകളിൽ ആൺകുട്ടികൾക്ക് പ്രവേശനം നൽകുന്ന കാര്യത്തിലും സർക്കാരിന് ഇതേ നിലപാടാണ്. സംസ്ഥാനത്താകെ സ്കൂളുകളിൽ ജെൻഡർ ന്യൂട്രൽ യൂണിഫോം കൊണ്ടുവരണമെന്ന തീരുമാനം സർക്കാർ കൈകൊണ്ടിട്ടില്ല. അതേസമയം പിടിഎ,വിദ്യാർത്ഥികൾ, ജനപ്രതിനിധികൾ എന്നിവർ ചേർന്ന് ഏതെങ്കിലും തരം യൂണിഫോമിനെ കുറിച്ചു തീരുമാനം എടുത്ത് തന്നു കഴിഞ്ഞാൽ അത് അംഗീകരിച്ചു നൽകും. ഇത്തരത്തിലുള്ള മാറ്റങ്ങൾ സമൂഹം ചർച്ചചെയ്യട്ടെ എന്നും മന്ത്രി പറഞ്ഞു.