JOIN OUR WHATSAPP GROUP https://chat.whatsapp.com/JB56BFynMH0LT2v9n2cHdH
തിരുവനന്തപുരം: കേന്ദ്ര സർക്കാർ സ്ഥാപനമായ ഭാരത് ഇലക്ട്രോണിക്സ് ലിമിറ്റഡിൽ പ്രൊജക്റ്റ് എൻജിനീയർമാരുടെ ഒഴിവുകലിലേക്ക് ഇപ്പോൾ അപേക്ഷിക്കാം. സിവിൽ, ഇലക്ട്രിക്കൽ/ ഇലക്ട്രേണിക്സ്, മെക്കാനിക്കൽ എന്നിവയിൽ ബിടെക് പാസായവർക്ക് പ്രൊജക്റ്റ് എൻജിനീയർ തസ്തികയിലേക്ക് അപേക്ഷിക്കാം. വിദ്യാഭ്യാസ യോഗ്യതയുള്ള ഉദ്യോഗാർഥികൾക്ക് ഭാരത് ഇലക്ട്രോണിക്സ് ലിമിറ്റഡിന്റെ ഔദ്യോഗിക വെബ്സൈറ്റായ http://belindia.in ൽ ഓൺലൈനായി അപേക്ഷിക്കാം. ഡിസംബർ 26 ആണ് അപേക്ഷിക്കാനുള്ള അവസാന തീയതി 2 വർഷത്തേക്കാണ് നിയമനം. പിന്നീട് ആവശ്യാനുസരണവും പ്രകടനവും കണക്കിലെടുത്ത് രണ്ടു വർഷത്തേക്ക് കൂടി നീട്ടി നൽകും. 36 ഒഴിവുകളിലേക്കാണ് ഇപ്പോൾ അപേക്ഷ ക്ഷണിച്ചിരിക്കുന്നത്. ഇതിൽ 24 ഒഴിവുകൾ സിവിൽ ട്രേഡിലാണുള്ളത്. ഇലക്ട്രിക്കൽ/ ഇലക്ട്രേണിക്സ് ട്രേഡിൽ 6 ഒഴിവ്, മെക്കാനിക്കൽ ട്രേഡിൽ 6 ഒഴിവ് എന്നിങ്ങനെയാണ് ഒഴിവുകൾ റിപ്പോർട്ട് ചെയ്തിട്ടുള്ളത്. അതത് ട്രേഡുകളിൽ ബിഇ/ ബിടെക് യോഗ്യതയുള്ളവർക്കാണ് അപേക്ഷിക്കാൻ യോഗ്യതയുള്ളത്.ജനറൽ, ഇ.ഡബ്ള്യൂ.എസ്, ഒ.ബിസി (എൻ.സി.എൽ) വിഭാഗക്കാരാണെങ്കിൽ ബിടെക് ഫസ്റ്റ് ക്ലാസോടെ പാസായവരായിരിക്കണം.
എസ്.സി, എസ്.ടി, ഭിന്നശേഷിക്കാർ എന്നിവർക്ക് ജയിച്ചാൽ മതിയാകും.ഒ.ബിസി വിഭാഗക്കാർക്ക് ഉയർന്ന പ്രായപരിധിയിൽ 3 വർഷത്തെ ഇളവ് ലഭിക്കും. എസ്.സി, എസ്.ടി വിഭാഗക്കാർക്ക് 5 വർഷത്തെയും കുറഞ്ഞത് 40 ശതമാനം ഭിന്നശേഷിയുള്ളവർക്ക് 10 വർഷത്തെയും ഇളവ് ലഭിക്കും. 2021 ഡിസംബർ 1 അടിസ്ഥാനമാക്കിയാണ് പ്രായം കണക്കാക്കുന്നത്. ജനറൽ/ ഒ.ബിസി (എൻ.സി.എൽ)/ ഇ.ഡബ്ള്യൂ.എസ് എന്നീ വിഭാഗക്കാർക്ക് 500 രൂപയാണ് അപേക്ഷാ ഫീസ്. ഓൺലൈൻ ആയോ എസ്.ബിഐയുടെ ഏതെങ്കിലും ഒരു ബ്രാഞ്ച് വഴിയോ ഫീസടയ്ക്കാം.