JOIN OUR WHATSAPP GROUP https://chat.whatsapp.com/FHz0gkFJMiP6Kca42mrmQP
തിരുവനന്തപുരം: ജിവി രാജ വിഎച്ച്എസ് സ്പോർട്സ് സ്കൂൾ ജീവനക്കാരിയുടെ പരാതിയിൽ നടത്തിയ അന്വേഷണത്തെ തുടർന്ന് പ്രിൻസിപ്പലിന് സസ്പെൻഷൻ. ജിവി രാജ വിഎച്ച്എസ് സ്പോർട്സ് സ്കൂൾ പ്രിൻസിപ്പൽ സി.എസ്.പ്രദീപിനെയാണ് സസ്പെൻഡ് ചെയ്തത്. പ്രദീപ് നിരന്തരം ശല്യപ്പെടുത്തുന്നതായി ജീവനക്കാരി പരാതി നൽകിയിരുന്നു. തുടർന്ന് ഇക്കാര്യം അന്വേഷിക്കാൻ വകുപ്പിലെ പ്രത്യേക സംഘത്തെ നിയോഗിച്ചിരുന്നു. അന്വേഷണ സംഘത്തിന്റെ റിപ്പോർട്ട് പൊതു വിദ്യാഭ്യാസ പ്രിൻസിപ്പൽ സെക്രട്ടറിക്ക് കൈമാറി. പ്രദീപിനെ സസ്പെൻഡ് ചെയ്യണമെന്നും പൊതുവിദ്യാഭ്യാസ വകുപ്പ് അഡീഷണൽ സെക്രട്ടറിയെ കൂടുതൽ അന്വേഷണങ്ങൾക്കായി ചുമതലപ്പെടുത്തണം എന്നുമുള്ള ശുപാർശ പ്രിൻസിപ്പൽ സെക്രട്ടറി മന്ത്രിക്ക് കൈമാറി.
ഇതേ തുടർന്ന് പ്രദീപിനെ സർവീസിൽ നിന്ന് സസ്പെന്റ് ചെയ്യാനും അഡീഷണൽ സെക്രട്ടറിക്ക് വകുപ്പുതല അന്വേഷണ ചുമതല നൽകാനും മന്ത്രി വി.ശിവൻകുട്ടി ഉത്തരവിടുകയായിരുന്നു.