JOIN OUR WHATSAPP GROUP https://chat.whatsapp.com/FHz0gkFJMiP6Kca42mrmQP
കൊല്ല൦: പ്രാക്കുളം എൻഎസ്എസ് ഹയർസെക്കൻഡറി സ്കൂളിനും കൊല്ലം ജില്ലയ്ക്കും അഭിമാനമായി അക്ഷയ് വി. പിള്ള. ഈ ശിശുദിനത്തിൽ ശിശുക്ഷേമ വകുപ്പ് പുറത്തിറക്കിയ ശിശുദിന സ്റ്റാമ്പിൽ പതിച്ചിരിക്കുന്നത് അക്ഷയ് വരച്ച മനോഹര ചിത്രമാണ്. പാടവരമ്പത്ത് തന്റെ കൃഷിയിടത്തിലേക്ക് നോക്കിയിരിക്കുന്ന കർഷകന്റെ ചിത്രമാണ് അക്ഷയ് വരച്ചത്.
സംസ്ഥാനത്തെ വിവിധ സ്കൂളുകളിൽ നിന്നുള്ള 520 മത്സരാർത്ഥികളെ പിന്തള്ളിയാണ് അക്ഷയ ഈ നേട്ടം കൈവരിച്ചത്. അഞ്ചു വയസ്സു മുതൽ ചിത്ര രചന ആരംഭിച്ച അക്ഷയ് കഴിഞ്ഞ ലോക്ഡൗൺ കാലത്താണ് മികച്ച ചിത്രകാരനായി മാറിയത്. തെക്കേ ചേരിയിൽ തൊട്ടുവാഴത്ത് വീട്ടിൽ ബിജു വി. പിള്ളയുടെയും അഞ്ജുവിന്റെയും മൂത്തമകനാണ് അക്ഷയ്. കൊല്ലം പ്രാക്കുളം എൻഎസ്എസ് ഹയർസെക്കൻഡറി സ്കൂളിലെ ഏഴാം ക്ലാസ് വിദ്യാർഥിയാണ്. സംസ്ഥാന ശിശു ക്ഷേമ വകുപ്പ് കേരളത്തിലെ വിദ്യാലയങ്ങളിൽ എത്തിക്കുന്ന സ്റ്റാമ്പിൽ അക്ഷയ് വരച്ച ചിത്രമാണ് ഉണ്ടാവുക.