JOIN OUR WHATSAPP GROUP https://chat.whatsapp.com/FHz0gkFJMiP6Kca42mrmQP
തിരുവനന്തപുരം: ഒന്നാം വർഷ ഹയർസെക്കൻഡറി (വൊക്കേഷണൽ) പ്രവേശനം നേടിയ എല്ലാ വിദ്യാർത്ഥികളും ക്ലാസ് തുടങ്ങുന്ന ആദ്യ ദിനമായ നവംബർ 15ന് സ്കൂളിൽ ഹാജരാകുവാൻ നിർദേശം നൽകണമെന്ന് പൊതുവിദ്യാഭ്യാസ വകുപ്പ് ഡെപ്യൂട്ടി ഡയറക്ടർ (കരിക്കുലം) ഉത്തരവിറക്കി. 15ന് ശേഷം, തുടർന്നുള്ള ദിവസങ്ങളിലെ ക്ലാസ്സുകൾ സംബന്ധിച്ച് വിവരങ്ങൾ, ടൈംടേബിൾ, സർക്കാർ മാർഗ്ഗനിർദ്ദേശങ്ങളനുസരിച്ച് വിദ്യാർത്ഥികൾക്ക് ലഭ്യമാക്കണം. ഓരോ ദിവസവും സ്കൂളിൽ എത്തേണ്ട വിദ്യാർത്ഥികളുടെ പട്ടിക, സ്കൂളിലും പുറത്തും പാലിക്കേണ്ട കോവിഡ് മാനദണ്ഡങ്ങൾ എന്നിവ വിദ്യാർത്ഥികളെ അറിയിക്കേണ്ടതാണ്. തുടർന്നുള്ള ദിവസങ്ങളിൽ, സ്കൂൾ തുറക്കുന്നതു സംബന്ധിച്ച് സർക്കാർ നൽകിയിട്ടുള്ള മാർഗ്ഗ നിർദ്ദേശങ്ങൾ കർശനമായി പാലിച്ചുകൊണ്ട് ഒന്നാം വർഷ വിദ്യാർത്ഥികൾക്ക് സ്കൂളിൽ ലഭ്യമായ ഭൗതിക സൗകര്യങ്ങൾ
പരമാവധി ഉപയോഗപ്പെടുത്തി ക്ലാസ്സുകൾ നടത്തുവാൻ സ്കൂൾ തലത്തിൽ
നടപടികൾ സ്വീകരിക്കേണ്ടതാണെന്നും ഉത്തരവിലുണ്ട്.
സംസ്ഥാനത്തെ സ്കൂളുകൾ തുറന്നു പ്രവർത്തിക്കുന്നതു സംബന്ധിച്ച് സർക്കാർ മാർഗ്ഗ നിർദ്ദേശങ്ങളിൽ പരാമർശിച്ചിട്ടുള്ള പ്രകാരം 2021-22 അദ്ധ്യയന വർഷത്തെ ഒന്നാം വർഷ ഹയർ സെക്കണ്ടറി (വൊക്കേഷണൽ) ക്ലാസ്സുകൾ 2021 നവംബർ15, തിങ്കളാഴ്ച ആരംഭിക്കുവാൻ എല്ലാ പ്രിൻസിപ്പൽമാരും
നടപടികൾ സ്വീകരിക്കേണ്ടതാണെന്നും കർശന നിർദേശമുണ്ട്.