JOIN OUR WHATSAPP GROUP https://chat.whatsapp.com/D7vDVpmSibC0B9V3Li0De0
കോഴിക്കോട്: സംസ്ഥാനത്ത് ഏറ്റവും കൂടുതൽ കുട്ടികൾ പഠിക്കുന്ന സ്കൂളുകളിലൊന്നായ മേമുണ്ട ഹയർ സെക്കൻഡറി സ്കൂളിൽ പ്രവേശനോത്സവം വർണാഭമായി. മുതിർന്ന കുട്ടികളുടെ നൃത്തച്ചുടുകളോടെയാണ് വിദ്യാർത്ഥികളെ വരവേറ്റത്. ഓൺലൈൻ കലോത്സവത്തിൽ മികവ് പുലർത്തിയ പതിനഞ്ചോളം വിദ്യാർത്ഥികളാണ് കേരളപ്പിറവിദിനത്തിൽ മോഹിനിയാട്ടവുമായി എത്തിയത്. കുരുത്തോലകളും, ബലൂണുകളും, വർണ്ണക്കടലാസുകളുമായി സ്കൂളും പരിസരവും അലങ്കരിച്ചിരുന്നു. ബയോ ബബിൾ രീതിയിൽ കോവിഡ് മാനദണ്ഡങ്ങൾ പാലിച്ചാണ് വിദ്യാർത്ഥികൾ സ്കൂളിലെത്തിയത്.
ഗാനമേളയും, ഡാൻസുമൊക്കെയായി പ്രവേശനോത്സവം പൊടിപൊടിച്ചു. സ്കൂളിലെ കെ ടി കെ സുനില, ഒ കെ ജിഷ, ടി വി ജസീന, കെ രമ്യ, വി പി നെസ് ലി എന്നീ അധ്യാപകരാണ് നൃത്ത വിരുന്നിന്റെ പിന്നണിയിൽ. ഇന്നലെ ഉദ്ഘാടനം ചെയ്ത പാചകപ്പുരയിൽ ഒരുക്കിയ പായസവും ഏവർക്കും വിതരണം ചെയ്തു.