തിരുവനന്തപുരം: സർക്കാർ മെഡിക്കൽ കോളജിൽ റിസർച്ച് അസിസ്റ്റന്റ് തസ്തികയിൽ കരാർ അടസ്ഥാനത്തിൽ നിയമനം നടത്തുന്നു. ഒരു ഒഴിവാണുള്ളത്. വൈറോളജി, മോളിക്കുലാർ ബയോളജി, മൈക്രോബയോളജി, ബയോടെക്നോളജി ബിരുദാനന്തര ബിരുദമാണ് യോഗ്യത. മോളിക്കുലർ ബയോളജി ലാബിൽ ഒന്നോ രണ്ടോ വർഷത്തെ ഗവേഷണ പരിചയം വേണം. കമ്പ്യൂട്ടർ പരിജ്ഞാനം ഉണ്ടാകണം. ഫീൽഡ് വിസിറ്റ് നടത്തി ബയോളജിക്കൽ സാമ്പിൾ ശേഖരിക്കുന്നതിലെ പരിചയവും ഉണ്ടാവണം. തിരുവനന്തപുരം ജില്ലക്കാർക്ക് പരിഗണന. 31,000 രൂപയാണ് പ്രതിമാസ വേതനം. ഒരു വർഷത്തേക്കാണ് നിയമനം.
ജനനതിയതി, വിദ്യാഭ്യാസയോഗ്യത, മുൻപരിചയം, മേൽ വിലാസം, (ഇ-മെയിൽ അഡ്രസ്സ്, മൊബൈൽ നമ്പർ എന്നിവ സഹിതം) എന്നിവ തെളിയിക്കുന്ന സർട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകർപ്പുകൾ സഹിതം അപേക്ഷകൾ 15ന് വൈകുന്നേരം മൂന്ന് മണിക്ക് മുൻപ് തിരുവനന്തപുരം മെഡിക്കൽ കോളേജ് പ്രിൻസിപ്പലിന്റെ കാര്യാലയത്തിൽ തപാൽ വഴിയോ ഇ-മെയിൽ വഴിയോ നേരിട്ടോ നൽകണം.
ഇലക്ട്രോണിക്സ് കോർപ്പറേഷൻ ഓഫ് ഇന്ത്യ ലിമിറ്റഡിൽ ഗ്രാജ്വേറ്റ് എഞ്ചിനീയർ ട്രെയിനി: ശമ്പളം 1.4ലക്ഷം
തിരുവനന്തപുരം:ഇലക്ട്രോണിക്സ് കോർപ്പറേഷൻ ഓഫ് ഇന്ത്യ ലിമിറ്റഡിൽ ഗ്രാജ്വേറ്റ്...