ന്യൂഡൽഹി:സിബിഎസ്ഇ പത്താം ക്ലാസ് പരീക്ഷാഫലം ഇന്ന് പ്രസിദ്ധീകരിക്കില്ല. പരീക്ഷാഫലം ഇന്ന് വരുമെന്ന വാർത്തകൾ പ്രചരിക്കുന്ന സാഹചര്യത്തിലാണ് സെൻട്രൽ ബോർഡ് ഓഫ് സെക്കൻഡറി എജ്യുക്കേഷൻ ഇക്കാര്യം വ്യക്തമാക്കിയത്. അതേസമയം ഈ ആഴ്ചയിൽ തന്നെ ഫലം പ്രതീക്ഷിക്കാം. പ്രഖ്യാപിച്ചുകഴിഞ്ഞാൽ, വിദ്യാർത്ഥികൾക്ക് ബോർഡിന്റെ ഔദ്യോഗിക വെബ്സൈറ്റായ cbse.nic.in. ൽ പരിശോധിക്കാവുന്നതാണ്.
കോവിഡ് വ്യാപന സാഹചര്യത്തിൽ ഈ വർഷം സിബിഎസ്ഇ 10,12 ബോർഡ് പരീക്ഷകൾ റദ്ദാക്കിയിരുന്നു. പുതിയ മൂല്യനിർണ്ണയ മാനദണ്ഡ പ്രകാരമാണ് ഇത്തവണ മൂല്യനിർണയം നടത്തി ഫലപ്രഖ്യാപനം നടത്തുന്നത്.