ഹൈദരാബാദ്: കോവിഡ് വ്യാപന സാഹചര്യം കണക്കിലെടുത്ത് തെലങ്കാനയിൽ പത്താം ക്ലാസ് പരീക്ഷകൾ റദ്ദാക്കി. പന്ത്രണ്ടാം ക്ലാസ് പരീക്ഷൾ മാറ്റി. പത്താം ക്ലാസ് വിദ്യാർത്ഥികൾക്കുള്ള ഫലങ്ങൾ പിന്നീടുള്ള തീയതിയിൽ പ്രഖ്യാപിക്കും.
വിദ്യാഭ്യാസ വകുപ്പ് തയ്യാറാക്കുന്ന സ്കോറിൽ സംതൃപ്തരല്ലാത്ത വിദ്യാർത്ഥിക്ക് കോവിഡ് സാഹചര്യം സാധാരണ നിലയിലാകുമ്പോൾ പരീക്ഷ എഴുതാം.
കോവിഡ് ഭീഷണിയെ തുടർന്ന് തെലങ്കാനയിലെ സ്കൂളുകളും കോളജുകളും അടച്ചു. മെഡിക്കൽ കോളജുകൾ ഒഴികെയുള്ള തെലങ്കാനയിലെ എല്ലാ വിദ്യാഭ്യാസ സ്ഥാപനങ്ങളും (സ്കൂളുകൾ, കോളേജുകൾ, ഹോസ്റ്റലുകൾ, ഗുരുക്കുൽ ഇൻസ്റ്റിറ്റ്യൂട്ടുകൾ) അടച്ചുപൂട്ടിയിട്ടുണ്ട്.