editorial@schoolvartha.com | markeiting@schoolvartha.com
വിദ്യഭ്യാസ വാർത്തകൾ
Google Play School Vartha
പ്രധാന വാർത്തകൾ
മാറ്റിവച്ച പരീക്ഷകൾ, തീസിസ് മൂല്യനിർണയം, വൈവ വോസി, പ്രാക്റ്റിക്കൽ: എംജി സർവകലാശാല വാർത്തകൾനാഷണല്‍ ഇന്‍സ്റ്റിറ്റ്യൂട്ട് ഓഫ് സ്പീച്ച് ആന്‍ഡ് ഹിയറിങില്‍ ഒഴിവ്: ഡിസംബര്‍ 19വരെ അപേക്ഷിക്കാംനിയമന അപേക്ഷ നീട്ടി, പരീക്ഷ, പരീക്ഷാഫലം, വൈവ: കാലിക്കറ്റ്‌ സർവകലാശാല വാർത്തകൾപരീക്ഷാഫലം, ഹാൾ ടിക്കറ്റ്, പരീക്ഷ വിജ്ഞാപനം: കണ്ണൂർ സർവകലാശാല വാർത്തകൾപഠനമുറി പദ്ധതിയിൽ ഇളവ്: 5, 6 ക്ലാസുകളിലെ വിദ്യാർഥികൾക്കും അപേക്ഷിക്കാംസ്കൂൾ അർദ്ധവാർഷിക പരീക്ഷകളിൽ മാറ്റം: പുന:ക്രമീകരിച്ച ടൈംടേബിൾ കാണാംപ്ലസ് ടു വിദ്യാർത്ഥിനി എംബിബിഎസ് ക്ലാസിൽ: വിശദീകരണവുമായി കോഴിക്കോട് മെഡിക്കൽ കോളേജ്എന്‍എല്‍സി ഇന്ത്യ ലിമിറ്റഡില്‍ 213ഒഴിവുകള്‍: ഡിസംബര്‍ 30വരെ അപേക്ഷിക്കാംബിജാപൂര്‍ സൈനിക് സ്‌കൂളില്‍ അവസരം: ഡിസംബര്‍ 24വരെ അപേക്ഷിക്കാം.ഹയർസെക്കൻഡറി ഒന്നാം വർഷ ഓറിയന്റേഷൻ ക്ലാസ്

സ്കൂൾ വിദ്യാർത്ഥികൾക്ക് വീടുകളിൽ പരീക്ഷണശാല: 'ലാബ് അറ്റ് ഹോം' പദ്ധതിയുമായി എസ്എസ്കെ

Published on : April 15 - 2021 | 9:34 am

തിരുവനന്തപുരം: സ്കൂൾ വിദ്യാർത്ഥികൾക്ക് വീടുകളിൽ പരീക്ഷണശാലകളൊരുക്കാൻ സമഗ്രശിക്ഷ കേരളയുടെ ‘ലാബ് അറ്റ് ഹോം’ പദ്ധതി. ആദ്യഘട്ടത്തിൽ സംസ്ഥാനത്തെ ഏഴാം ക്ലാസ് വിദ്യാർഥികൾക്കാണ് പദ്ധതി നടപ്പാക്കുന്നത്. കോവിഡ് വ്യാപനത്തെ തുടർന്ന് കഴിഞ്ഞ അധ്യയന വർഷം വിദ്യാർത്ഥികൾക്ക് ലാബ് സൗകര്യം ലഭിക്കാതിരുന്ന സാഹചര്യത്തിലാണ് പുതിയ ആശയം.

ഗണിതം,സാമൂഹികശാസ്ത്രം, സയൻസ് എന്നിങ്ങനെയായി മൂന്നു ലാബുകളാണ് വീടുകളിൽ ക്രമീകരിക്കുക. ഒരുവിദ്യാർത്ഥിക്ക് 75 രൂപ എന്ന കണക്കിലാണ് ആദ്യഘട്ടത്തിൽ തുക അനുവദിക്കുക. സ്കൂളിലെ വിദ്യാർഥികളുടെ ആകെ എണ്ണമനുസരിച്ച് ലഭ്യമാകുന്ന തുക ഉപയോഗിച്ച് അസംസ്കൃതവസ്തുക്കൾ വാങ്ങി ചെലവുകുറഞ്ഞ രീതിയിൽത്തന്നെ ലാബിലേക്കുള്ള ഉപകരണങ്ങൾ തയ്യാറാക്കും.

ബാക്കി പണത്തിനായി പിടിഎയുടെയും തദ്ദേശ സ്ഥാപനങ്ങളുടെയും സഹായം തേടനാണ് നീക്കം. ലാബ് ഉപകരണങ്ങൾ നിർമിക്കുന്നതിനായി പരിശീലനവും നൽകും. തെർമോക്കോൾ, കാർഡ് ബോർഡ് തുടങ്ങിയവ ഉപയോഗിച്ചാണ് ഉപകരണങ്ങൾ നിർമിക്കുക. കോവിഡ് വ്യാപനം ഏറുന്ന സാഹചര്യത്തിൽ വീട്ടിൽതന്നെ കുട്ടികളുടെ പഠന സൗകര്യം ഒരുക്കുക എന്ന ലക്ഷ്യത്തോടെയാണ് എസ്എസ്കെ ‘ലാബ് അറ്റ് ഹോം’ പദ്ധതി നടപ്പാക്കുന്നത്.

0 Comments

Related News