പ്രധാന വാർത്തകൾ
കേരള ഹൈക്കോടതിയിൽ അസിസ്റ്റൻ്റ് തസ്തികകളിൽ നിയമനം: അപേക്ഷ 3മുതൽഒന്‍പതാം ക്ലാസില്‍ പാഠ്യപദ്ധതി പരിഷ്കരണമുണ്ടാകില്ലെന്ന് സിബിഎസ്ഇസംസ്കൃത സർവകലാശാലയിൽ നാടക പഠനത്തിൽ പിജി കോഴ്സ്: വിശദവിവരങ്ങൾ അറിയാം22 ദിവസത്തിനുള്ളിൽ പിജി ഫലം പുറത്തുവിട്ട് കാലിക്കറ്റ് സർവകലാശാല3,4, 6,7 ക്ലാസുകളിലെ പരീക്ഷാഫലം വന്നു: അതിവേഗം ഡിഇഡിരക്ഷിതാക്കൾക്കും നാട്ടുകാർക്കും അഭിപ്രായം അറിയിക്കാം: പഠന പിന്തുണാ പരിപാടി ഏപ്രിൽ മുതൽസംസ്കൃത സർവകലാശാലയിൽ ഓൺലൈൻ കോഴ്സുകൾകുറഞ്ഞ ഫീസില്‍ എം.എസ്ഡബ്ല്യു പഠിക്കാം: വാര്‍ഷിക ഫീസ്‌ 6500 രൂപഐഐടി കാൺപൂരിൽ വിവിധ വിഷയങ്ങളിൽ ഓൺലൈൻ പിജി കോഴ്സുകൾപിഎച്ച്ഡി പ്രവേശനത്തിന് ഇനി നെറ്റ് സ്കോർ: മാറ്റം ഈ വർഷം മുതൽ

പരീക്ഷാഭയം അകറ്റാൻ സ്‌കൂളുകളില്‍ മോട്ടിവേഷന്‍ ക്ലാസ്

Feb 23, 2021 at 6:51 pm

Follow us on

തിരുവനന്തപുരം: പരീക്ഷാ പേടിയകറ്റാനും തുടര്‍പഠനത്തിന്റെ സാധ്യതകള്‍ പരിചയപ്പെടാനും കഴിയുന്ന മോട്ടിവേഷന്‍ ക്ലാസുകള്‍ക്ക് ജില്ലയില്‍ തുടക്കം. ജില്ലാതല ഉദ്ഘാടനം മണ്ണഞ്ചേരി ഗവര്‍മെന്റ് ഹൈസ്‌കൂളില്‍ ജില്ലാ പഞ്ചായത്ത് പ്രസിഡന്റ് കെ.ജി. രാജേശ്വരി നിര്‍വഹിച്ചു. ജില്ലാ പഞ്ചായത്തിന്റെ നേതൃത്വത്തിലാണ് ക്ലാസുകള്‍ നടക്കുന്നത്. ജില്ലാ പഞ്ചായത്തിന്റെ ചുമതലയിലുള്ള 47 സ്‌കൂളുകളിലാണ് ക്ലാസുകള്‍ നടക്കുക. പത്താം ക്ലാസിലെയും ഹയര്‍ സെക്കന്‍ഡറിയിലെയും വിദ്യാര്‍ത്ഥികള്‍ക്കാണ് ക്ലാസ്. രക്ഷകര്‍ത്താക്കള്‍ക്കും വിദ്യാര്‍ത്ഥികള്‍ക്കും കൗണ്‍സലിങും നല്‍കുന്നുണ്ട്.

ഭയം കൂടാതെ പരീക്ഷ എഴുതി മികച്ച വിജയം നേടാന്‍ എല്ലാ കുട്ടികളെയും പ്രാപ്തരാക്കുകയാണ് ലക്ഷ്യമെന്ന് പ്രസിഡന്റ് പറഞ്ഞു. ഉന്നതവിദ്യാഭ്യാസത്തിന്റെ സാധ്യതകള്‍ പരിചയപ്പെടുത്തുന്നത് കുട്ടികളുടെ സ്വപ്നങ്ങള്‍ക്ക് ചിറക് നല്‍കുന്നതിന് തുല്യമാണ്. ആവശ്യപ്പെടുന്ന മറ്റ് സ്‌കൂളുകളിലും ക്ലാസുകള്‍ നടത്താന്‍ ജില്ലാ പഞ്ചായത്ത് സന്നദ്ധമാണെന്ന് പ്രസിഡന്റ് പറഞ്ഞു. ജില്ലാ പഞ്ചായത്ത് മെമ്പര്‍ അഡ്വ. ആര്‍. റിയാസ് അധ്യക്ഷത വഹിച്ചു. ജില്ലാ പഞ്ചായത്തംഗം അഡ്വ. പി.എസ് ഷാജി, മണ്ണഞ്ചേരി ഗ്രാമപഞ്ചായത്ത് വൈസ് പ്രസിഡന്റ് പി.എ. ജുമൈലത്ത്, ജില്ലാ വനിതാ ശിശുവികസന വകുപ്പ് ഓഫീസര്‍ എല്‍. ഷീബ, ഗ്രാമ പഞ്ചായത്തംഗം നവാസ്, പ്രധാന അധ്യാപിക സുജാത ടീച്ചര്‍, പിടിഎ പ്രസിഡന്റ് സി.എച്ച്. റഷീദ്, കൗണ്‍സിലര്‍മാരായ ശ്രീഷ്മ ഹര്‍ഷന്‍, നിഷനായര്‍ എന്നിവര്‍ പ്രസംഗിച്ചു. സംസ്ഥാനതല റിസോഴ്സ് പേഴ്സണ്‍ സുബ്രഹ്മണ്യ അയ്യര്‍ മോട്ടിവേഷന്‍ ക്ലാസെടുത്തു.

\"\"

Follow us on

Related News