പ്രധാന വാർത്തകൾ
കേരള ഹൈക്കോടതിയിൽ അസിസ്റ്റൻ്റ് തസ്തികകളിൽ നിയമനം: അപേക്ഷ 3മുതൽഒന്‍പതാം ക്ലാസില്‍ പാഠ്യപദ്ധതി പരിഷ്കരണമുണ്ടാകില്ലെന്ന് സിബിഎസ്ഇസംസ്കൃത സർവകലാശാലയിൽ നാടക പഠനത്തിൽ പിജി കോഴ്സ്: വിശദവിവരങ്ങൾ അറിയാം22 ദിവസത്തിനുള്ളിൽ പിജി ഫലം പുറത്തുവിട്ട് കാലിക്കറ്റ് സർവകലാശാല3,4, 6,7 ക്ലാസുകളിലെ പരീക്ഷാഫലം വന്നു: അതിവേഗം ഡിഇഡിരക്ഷിതാക്കൾക്കും നാട്ടുകാർക്കും അഭിപ്രായം അറിയിക്കാം: പഠന പിന്തുണാ പരിപാടി ഏപ്രിൽ മുതൽസംസ്കൃത സർവകലാശാലയിൽ ഓൺലൈൻ കോഴ്സുകൾകുറഞ്ഞ ഫീസില്‍ എം.എസ്ഡബ്ല്യു പഠിക്കാം: വാര്‍ഷിക ഫീസ്‌ 6500 രൂപഐഐടി കാൺപൂരിൽ വിവിധ വിഷയങ്ങളിൽ ഓൺലൈൻ പിജി കോഴ്സുകൾപിഎച്ച്ഡി പ്രവേശനത്തിന് ഇനി നെറ്റ് സ്കോർ: മാറ്റം ഈ വർഷം മുതൽ

പൊതുവിദ്യാഭ്യാസ രംഗത്ത് ലാബ് @ ഹോം, ലൈബ്രറി@ ഹോം പദ്ധതികള്‍ നടപ്പിലാക്കും- പ്രൊഫ. സി. രവീന്ദ്രനാഥ്

Feb 3, 2021 at 8:14 pm

Follow us on

തിരുവനന്തപുരം: പൊതുവിദ്യാഭ്യാസ രംഗത്ത് ലാബ് @ഹോം , ലൈബ്രറി @ ഹോം പദ്ധതികള്‍ നടപ്പിലാക്കുമെന്ന് പ്രൊഫ. സി. രവീന്ദ്രനാഥ്. സമഗ്രശിക്ഷാ കേരളയുടെ നാലാമത് ഗവേണിംഗ് കൗണ്‍സില്‍ യോഗത്തില്‍ സംസാരിക്കുകയായിരുന്നു അദ്ദേഹം. പൊതുവിദ്യാലയങ്ങളില്‍ പഠിക്കുന്ന കുട്ടികളുടെ വീടുകളില്‍ സമഗ്രശിക്ഷയുടെ നേതൃത്വത്തില്‍ പദ്ധതികള്‍ ഫെബ്രുവരി മാസത്തോടെ നടപ്പിലാക്കാനാണ് തിരുമാനമെടുത്തത്.

കോവിഡ് മൂലം അധ്യയനം വീടുകളിലായി ചുരുങ്ങിയ പശ്ചാത്തലത്തില്‍കൂടി അധ്യാപകര്‍ക്കും വിദ്യാര്‍ത്ഥികള്‍ക്കും ഒരുപോലെ പ്രയോജനപ്രദമായ നിരവധി പദ്ധതി പ്രവര്‍ത്തനങ്ങളാണ് സമഗ്രശിക്ഷാ കേരളം നടപ്പിലാക്കിയതെന്ന് ഗവേണിംഗ് കൗണ്‍സില്‍ വിലയിരുത്തി. സമഗ്രശിക്ഷയുടെ പ്രവര്‍ത്തനങ്ങള്‍ മികവാര്‍ന്നതെന്ന് പൊതുവിദ്യാഭ്യാസ വകുപ്പു മന്ത്രി പ്രൊഫ. സി. രവീന്ദ്രനാഥ് അഭിപ്രായപ്പെട്ടു.

2020-21 അധ്യയന വര്‍ഷം പൂര്‍ത്തിയാക്കേണ്ടതും നടന്നുവരുന്നതുമായ പദ്ധതി പ്രവര്‍ത്തനങ്ങളും യോഗം വിലയിരുത്തി. സമഗ്രശിക്ഷാ കേരളം ഡയറക്ടര്‍ ഡോ. എ.പി. കുട്ടികൃഷ്ണന്‍ സ്വാഗതം പറഞ്ഞു. പൊതുവിദ്യാഭ്യാസ സെക്രട്ടറി എ. ഷാജഹാന്‍ ഐ.എ.എസ്, ബാലാവകാശ കമ്മീഷന്‍ അംഗം റനി ആന്റണി, എസ്.സി.ഇ.ആര്‍.ടി ഡയറക്ടര്‍ ഡോ.ജെ.പ്രസാദ്, എസ്.ഐ.ഇ.ടി ഡയറക്ടര്‍ ഡോ. അബുരാജ്, സീമാറ്റ് ഡയറക്ടര്‍ ഡോ.എം.എ. ലാല്‍, ഗവേണിംഗ് കൗണ്‍സില്‍ അംഗങ്ങളായ കെ.സി.ഹരികൃഷണന്‍, കെ.പി.സലാഹുദ്ദീന്‍, ഒ.കെ.ജയകൃഷ്ണന്‍, പൊതുവിദ്യാഭ്യാസ അഡീഷണല്‍ ഡയറക്ടര്‍ സി.എ.സന്തോഷ് തുടങ്ങിയവര്‍ യോഗത്തില്‍ പങ്കെടുത്തു.

\"\"

Follow us on

Related News