കണ്ണൂര്: രണ്ടാം സെമസ്റ്റര് പി. ജി. ഡി. എല്. ഡി (മെയ് 2020) പരീക്ഷകള് വിജ്ഞാപനം ചെയ്തു. റെഗുര് വിദ്യാര്ത്ഥികള്ക്ക് ജനുവരി 27 മുതല് 30 വരെ ഓണ്ലൈനായി പരീക്ഷകള്ക്ക് അപേക്ഷിക്കാം. സപ്ലിമെന്ററി വിദ്യാര്ത്ഥികളുടെ അപേക്ഷകള് ജനുവരി 27വരെ പിഴയില്ലാതെ സമര്പ്പിക്കാം. വിശദമായ പരീക്ഷാവിജ്ഞാപനം സര്വകലാശാല വെബ്സൈറ്റില്
പഠന സഹായി വിതരണം
കണ്ണൂര് സര്വകലാശാല വിദൂര വിദ്യാഭ്യാസ വിഭാഗത്തില് രജിസ്റ്റര് ചെയ്തിട്ടുള്ള രണ്ടാം വര്ഷ ബിരുദ വിദ്യാര്ത്ഥികളുടെ സ്വയം പഠന സഹായികള് ജനുവരി 28 മുതല് ഫെബ്രുവരി 3 വരെ വിവിധ കേന്ദ്രങ്ങളില് വെച്ച് രാവിലെ 10.30 മുതല് 2.30 വരെ വിതരണം ചെയ്യും. വിദ്യാര്ത്ഥികള് സര്വകലാശാല നല്കിയ തിരിച്ചറിയല് രേഖ, ഫീസ് അടച്ച രസീത് എന്നിവ ഹാജരാക്കുകയും കോവിഡ് മാനദണ്ഡങ്ങള് പാലിക്കുകയും ചെയ്യണം. വിശദ വിവരങ്ങള് വെബ്സൈറ്റില്.
കോഷന്ഡെപ്പോസിറ്റ് വിതരണം
കണ്ണൂര് സര്വ്വകലാശാലയുടെ പയ്യന്നൂര്, സ്വാമി ആനന്ദതീര്ത്ഥ കാമ്പസ്സിലെ ഫിസിക്സ് ഡിപ്പാര്ട്മെന്റില് 2018-20 അധ്യയനവര്ഷം എം.എസ്.സി ഫിസിക്സ് പഠനം പൂര്ത്തിയാക്കിയ വിദ്യാര്ത്ഥികളില് കോഷന് ഡെപ്പോസിറ്റ് കൈപ്പറ്റാന് ബാക്കിയുള്ളവര് ഫെബ്രുവരി 2നകം ഓഫീസില് നേരിട്ടുഹാജരാകുക. ഫോണ് : 04972806401.