പാലക്കാട്: സ്കൂളില് പോവാന് കഴിയാതെ ഓണ്ലൈന് പഠനം മാത്രമായി വീട്ടില് ഇരിക്കേണ്ടിവരുന്ന അട്ടപ്പാടിലെ വിദ്യാർത്ഥികള്ക്ക് മാനസിക ഉല്ലാസത്തിന് പഠനത്തോടൊപ്പം കലാ – കായിക പരിശീലനം നല്കി അഗളി ബി.ആര്.സി. ബ്ലോക്ക് റിസോഴ്സ് സെന്റർ. ബി.ആർ.സിയുടെ നേതൃത്വത്തില് കമ്മ്യൂണിറ്റി സെന്ററുകളിലൂടെ സമഗ്രശിക്ഷ കേരളയുടെ ഭാഗമായി നിയമിച്ച കലാ – കായിക അധ്യാപകരാണ് പരിശീലനം നല്കുന്നത് . പേപ്പര് കൊണ്ടുള്ള ബാഗുകള്, പൂവ് , കുട്ടകള് എന്നിവ നിര്മിക്കാന് പരിശീലിപ്പിക്കുന്നതോടൊപ്പം വിദ്യാർത്ഥികള്ക്ക് വ്യായാമവും കായിക പരിശീലനവും നല്കുന്നു . ആദ്യഘട്ടത്തില് 40 ഊരുകളില് പദ്ധതി നടപ്പിലാക്കുമെന്ന് അഗളി ബി.ആര്.സി. കോര്ഡിനേറ്റര് അറിയിച്ചു. ഒന്ന് മുതല് പത്താം ക്ലാസ് വരെയുള്ള വിദ്യാർത്ഥികള് പരിശീലനത്തില് പങ്കാളികളാകുന്നുണ്ട്.
കേരളീയ വാദ്യ പാരമ്പര്യം: സമഗ്ര വിവരങ്ങളുമായി ‘തക്കിട്ട’ ചരിത്രഗ്രന്ഥം
തിരുവനന്തപുരം:കേരളീയ വാദ്യപാരമ്പര്യത്തെക്കുറിച്ചുള്ള സമഗ്ര വിവരങ്ങളുമായി...