ന്യൂഡൽഹി: ജെ.ഇ.ഇ. (ജോയന്റ് എൻട്രൻസ് എക്സാം) മെയിൻ പരീക്ഷാഫലം പ്രഖ്യാപിച്ചു. 24 വിദ്യാർഥികൾ ടോപ് സ്കോർ നേടി. 2.45 ലക്ഷം വിദ്യാർഥികൾ 27-ന് നടക്കുന്ന ജെ.ഇ.ഇ. അഡ്വാൻസ്ഡ് പരീക്ഷ എഴുതാൻ അർഹരായി. jeemain.nta.nic.in എന്ന സൈറ്റിൽ ഫലം ലഭ്യമാണ്. ഏപ്രിലിൽ നടക്കേണ്ടിയിരുന്ന പരീക്ഷ കോവിഡ് വ്യാപനത്തെ തുടർന്ന് 2 തവണ മാറ്റിയിരുന്നു. തുടർന്ന് സെപ്റ്റംബർ 1 മുതൽ 6 വരെയാണ് പരീക്ഷ നടത്തിയത്. 8.58 ലക്ഷം പേർ അപേക്ഷിച്ചിരുന്നു. പരീക്ഷ എഴുതിയത് 6.35 ലക്ഷം പേരാണ്.