തിരുവനന്തപുരം: സ്കൂളുകളെ മികവിന്റെ കേന്ദ്രമാക്കാനുള്ള പദ്ധതിയുടെ ഭാഗമായി 34 സ്കൂളുകളുടെ കെട്ടിട ഉദ്ഘാടനം സെപ്റ്റംബർ 9 ന്.സംസ്ഥാന സർക്കാരിന്റെ നൂറ്ദിന കർമ്മ പരിപാടിയുടെ ഭാഗമായി കൈറ്റാണ്(കേരള ഇൻഫ്രാസ്ട്രക്ചർ ആൻഡ് ടെക്നോളജി ഫോർ എഡ്യൂക്കേഷൻ) മികവിന്റെ കേന്ദ്രം പദ്ധതി നടപ്പിൽ വരുത്തുന്നത്. കിഫ്ബി നൽകുന്ന 5 കോടി രൂപയുടെ ധനസഹാമാണ് പദ്ധതിയ്ക്ക്. അധികം വരുന്ന തുക എംഎൽഎ ഫണ്ടിൽ നിന്നുൾപ്പെടെ വകയിരുത്തും. 5 കോടി രൂപയുടെ 56 സ്കൂളുകള്‍ക്ക് പുറമെ 3 കോടി രൂപയുടെ 32 സ്കൂളുകളുടെയും നിര്‍മാണ പ്രവര്‍ത്തനങ്ങള്‍ കൈറ്റ് ഇതിനോടകം പൂർത്തിയാക്കി. രാവിലെ 11 മണിക്ക് മുഖ്യമന്ത്രി പിണറായി വിജയൻ പരിപാടി ഉദ്ഘാടനം ചെയ്യും. പരിപാടി വിക്ടേഴ്സില്‍ പ്രത്യേകം സംപ്രേഷണം ചെയ്യുമെന്ന് കൈറ്റ് സി.ഇ.ഒ അൻവർ സാദത്ത് അറിയിച്ചു.
