തിരുവനന്തപുരം: ദേശീയ  അധ്യാപക ദിനമായ ഇന്ന് അധ്യാപകർക്ക് ആശംസകൾ നേർന്ന് വിദ്യാഭ്യാസ മന്ത്രി സി. രവീന്ദ്രനാഥ്. പൊതു വിദ്യാഭ്യാസ രംഗത്തെ അധ്യാപകർ  ആധുനികതയുടെയും മാനവീകതയുടെയും വക്താക്കളാകണം. കുട്ടിയെ അറിവിലേക്കും തിരിച്ചറിവിലേക്കും അന്വേഷണത്തിലേക്കും നയിക്കുകയാണ് അധ്യാപകന്റെ ധർമ്മമെന്നും അദ്ദേഹം അഭിപ്രായപ്പെട്ടു.കുട്ടികളെ മയക്കുമരുന്ന്, മദ്യം, പുകയില തുടങ്ങിയ ദുശീലങ്ങൾ ബാധിക്കാതെ നോക്കേണ്ടത് അധ്യാപകരാണെന്നുമുള്ള സന്ദേശവും മന്ത്രി നൽകി. കോവിഡ് പ്രതിസന്ധിയിലും അധ്യയനം മുന്നോട്ട് കൊണ്ടുപോകാൻ അധ്യാപകർ നൽകുന്ന പങ്ക് മഹത്തരമാണെന്നും അദ്ദേഹം കൂട്ടിച്ചേർന്നു. അധ്യാപക ദിനത്തോടനുബന്ധിച്ച് കഴിഞ്ഞ ദിവസം അധ്യാപകർക്ക്  പുരസ്കാരങ്ങൾ  പ്രഖ്യാപിച്ചിരുന്നു. അധ്യാപകർ ഒരേസമയം വിദ്യാർത്ഥികൾക്കും  സമൂഹത്തിനും മാതൃകയാകണമെന്നും അദ്ദേഹം ആശംസിച്ചു.