editorial@schoolvartha.com | markeiting@schoolvartha.com
വിദ്യഭ്യാസ വാർത്തകൾ
Google Play School Vartha
പ്രധാന വാർത്തകൾ
പോസ്റ്റ് ഡോക്ടറൽ ഫെലോഷിപ്പ്: അപേക്ഷ ഫെബ്രുവരി 28വരെആയുർവേദ മെഡിക്കൽ കോളേജിൽ ബി.എസ്.സി നഴ്‌സിങ്: അലോട്ട്‌മെന്റ് പ്രസിദ്ധീകരിച്ചുസ്‌കോൾ കേരള: സൗജന്യ പഠന സഹായി വിതരണംകാലിക്കറ്റ് സർവകലാശാല പരീക്ഷകളിൽ മാറ്റം, പരീക്ഷാ അപേക്ഷ, വിവിധ പരീക്ഷകൾ, പുനർ മൂല്യനിർണയ ഫലംഗവ. കോളേജ് ഓഫ് ടീച്ചർ എജ്യൂക്കേഷനിൽ എം.എഡ് സീറ്റൊഴിവ്: സ്പോട്ട് അഡ്മിഷൻ നാളെപരീക്ഷാ വിജ്ഞാപനം, ഹാൾ ടിക്കറ്റ്, അസി. പ്രഫസർ, കൗൺസലിങ് സൈക്കോളജി: കണ്ണൂർ സർവകലാശാല വാർത്തകൾഎംജി സര്‍വകലാശാലാ പൊതുപ്രവേശന പരീക്ഷ: അപേക്ഷ മാര്‍ച്ച് ഒന്നുവരെനാലായിരത്തിലധികം വിദ്യാർത്ഥികൾക്ക് അപ്രന്റിസ്ഷിപ്പ്: ഒരുവർഷത്തെ പരിശീലനംസ്റ്റേജിതര മത്സരങ്ങളില്‍ തൃശ്ശൂര്‍ മുന്നിൽ: കലാമത്സരങ്ങളില്‍ മലപ്പുറത്തിന്റെ മുന്നേറ്റംമാറ്റിവച്ച ഡിപ്ലോമ പരീക്ഷകൾ പരീക്ഷകൾ ഫെബ്രുവരി 14ന്

കേന്ദ്ര നിയമനങ്ങൾ തടസ്സപ്പെടില്ലെന്ന് സർക്കാർ: എസ്.എസ്.സി, യു.പി.എസ്.സി, റെയിൽവെ നിയമനങ്ങൾ തുടരും

Published on : September 05 - 2020 | 9:39 pm

ന്യൂഡൽഹി: ഡിപ്പാർട്ട്മെന്റ് ഓഫ് എക്സ്‌പെൻഡിച്ചർ  സർക്കുലർ  പൊതു നിയമനങ്ങളെ ബാധിക്കില്ലെന്ന് കേന്ദ്ര സർക്കാർ. സർക്കുലർ പുറത്തിറങ്ങിയതിന് ശേഷമുള്ള പ്രതിപക്ഷ കക്ഷികളുടെ സംശയങ്ങൾക്ക് മറുപടിയായാണ് കേന്ദ്ര സർക്കാർ നിലപട് വ്യക്തമാക്കിയത്. കോവിഡിനെ തുടർന്നുണ്ടായ സാമ്പത്തിക പ്രതിസന്ധിയുടെ പശ്ചാത്തലത്തിൽ ചെലവ് കുറയ്ക്കാൻ നിർദേശിക്കുന്ന സർക്കുലർ സെപ്റ്റംബർ നാലിനാണ് കേന്ദ്ര സർക്കാർ പുറത്തിറക്കിയത്. മുൻഗണനാ മേഖലകളിൽ ചെലവഴിക്കുന്നതിന് സാമ്പത്തിക സ്രോതസ്സുകൾ ഉറപ്പാക്കുന്നതിനായി മറ്റ് ചില മേഖലകളിൽ ചെലവുകൾ നിയന്ത്രിക്കാൻ ധനമന്ത്രാലയത്തിന് കീഴിലുള്ള ഡിപ്പാർട്ട്മെന്റ് ഓഫ്  എക്സ്‌പെൻഡിച്ചർ സർക്കുലറിൽ നിർദേശിച്ചിരുന്നു. മന്ത്രാലങ്ങളിലും, വകുപ്പുകളിലും, അനുബന്ധ ഓഫീസുകളിലും, സ്വയംഭരണസ്ഥാപനങ്ങളിലും അടക്കം എക്സ്‌പെൻഡിച്ചർ ഡിപ്പാർട്ട്മെന്റിന്റെ അനുമതിയില്ലാതെ പുതിയ തസ്തികകൾ സൃഷ്ടിക്കുന്നതിന് നിരോധനം ഏർപ്പെടുത്തുന്നുവെന്നും വ്യക്തമാക്കിയിരുന്നു. ഇതിനെതിരെ രൂക്ഷ വിമർശനവുമായി പ്രതിപക്ഷപാർട്ടികളും രംഗത്തെത്തിയിരുന്നു. എന്നാൽ കേന്ദ്ര സർക്കാർ ജോലികളിലേക്കുള്ള ഒഴിവുകൾ നികത്തുന്നതിന് നിയന്ത്രണമോ നിരോധനമോ ഏർപ്പെടുത്തിയിട്ടില്ല, സ്റ്റാഫ്‌ സെലക്ഷൻ കമ്മീഷൻ (എസ്.എസ്.സി), യു.പി.എസ്.സി, റെയിൽവെ റിക്രൂട്ട്മെന്റ് ബോർഡ്‌ എന്നിവയിലൂടെയുള്ള നിയമനങ്ങൾ തുടരുമെന്നും  ധനമന്ത്രാലയം വ്യക്തമാക്കി.

0 Comments

Related News