ന്യൂഡൽഹി: അപ്പർ പ്രൈമറി വിഭാഗത്തിനായി എൻ.സി.ഇ.ആർ.ടി ബദൽ അധ്യയന കലണ്ടർ പുറത്തിറക്കി. നേരത്തെ പുറത്തിറക്കിയ നാലാഴ്ചത്തെ കലണ്ടറിന്റെ തുടർച്ചയായുള്ളതാണ് എട്ടാഴ്ചത്തെ പാഠ്യപ്രവർത്തനങ്ങൾക്കുള്ള നിർദേശങ്ങൾ ഉൾക്കൊള്ളുന്ന പുതിയ കലണ്ടർ. കോവിഡ് കാലത്തെ പാഠ്യരീതികളിൽ അധ്യാപകർ ശ്രദ്ധിക്കേണ്ട കാര്യങ്ങൾക്ക് മുൻഗണന നൽകിക്കൊണ്ടുള്ളതാണ് പുതിയ കലണ്ടർ. വിദ്യാഭ്യാസത്തിന് സാങ്കേതികവിദ്യയും സമൂഹ മാധ്യമങ്ങളും എങ്ങനെ ഉപയോഗിക്കാമെന്ന് വിശദീകരിക്കുന്നുണ്ട്.
ആറു മുതൽ എട്ടാം ക്ലാസ് വരെയുള്ള കുട്ടികൾക്കായി എൻസിഇആർടി തയ്യാറാക്കിയ കലണ്ടർ കേന്ദ്ര മാനവവിഭവശേഷി വകുപ്പുമന്ത്രി രമേഷ് പൊഖ്രിയാലാണ് പ്രകാശനം ചെയ്തത്.
പുതിയ അക്കാദമിക് കലണ്ടറുകൾ https://ncert.nic.in/alternative-academic-calendar.phpഎന്ന ലിങ്കിൽ ലഭ്യമാണ്.