തിരുവനന്തപുരം: സിബിഎസ്ഇ പ്ലസ് ടു പരീക്ഷയിൽ രാജ്യത്ത് മികച്ചവിജയം നേടിയത് തിരുവനന്തപുരം മേഖല. 97.67 ശതമാനമാണ് തിരുവനന്തപുരം മേഖലയിലെ വിജയം. 97.05 ശതമാനം വിജയവുമായി ബെംഗളൂരുവാണ് രണ്ടാം സ്ഥാനത്ത്. ചെന്നൈ (96.17 %), പടിഞ്ഞാറൻ ഡൽഹി (94.61 %), കിഴക്കൻ ഡൽഹി (94.24 %) എന്നിവയാണ് ആദ്യ 5 സ്ഥാനങ്ങളിൽ വരുന്ന മറ്റു മേഖലകൾ. ഏറ്റവും കുറവ് വിജയശതമാനം പട്നയിലാണ് – 74.57. 82.49 ശതമാനം പേർ പ്രയാഗ്രാജ് മേഖലയിൽനിന്നു വിജയിച്ചു. വിജയികളുടെ എണ്ണത്തിൽ അഖിലേന്ത്യാതലത്തിൽ കഴിഞ്ഞ വർഷത്തേക്കാൾ 5.38 ശതമാനം വർധനയുണ്ടായി. മുൻവർഷങ്ങളിലും ഒന്നാമതായിരുന്നു തിരുവനന്തപുരം. 2018, 2019 വർഷങ്ങളിൽ വിജയശതമാനം യഥാക്രമം 97.32, 98.2 ആയിരുന്നു.
സെറിബ്രൽ പാൾസിയെ അതിജീവിച്ച് ശാരിക സിവിൽ സർവീസിലേക്ക്
കോഴിക്കോട്:സെറിബ്രൽ പാൾസിയെ അതിജീവിച്ച് ഇന്ത്യൻ സിവിൽ സർവീസിലെത്തുന്ന ആദ്യത്തെ...