ന്യൂഡൽഹി: പൊതുവിദ്യാഭ്യാസ മേഖല വിപുലീകരിക്കുന്നതിനുള്ള \’സ്റ്റാർസ്\’ പദ്ധതിയിലേക്ക് കേരളമടക്കമുള്ള 6 സംസ്ഥാനങ്ങളെ കേന്ദ്രം തിരഞ്ഞെടുത്തു. പദ്ധതിപ്രകാരം 950 കോടി രൂപയുടെ വികസനമാണ് കേരളത്തിലെ പൊതുവിദ്യാഭ്യാസ രംഗത്ത് ഉണ്ടാവുക. കേന്ദ്ര മാനവവിഭവശേഷി വികസന മന്ത്രാലയമാണ് കേരളം, ഹിമാചൽപ്രദേശ്, രാജസ്ഥാൻ, മധ്യപ്രദേശ്, മഹാരാഷ്ട്ര, ഒഡിഷ സംസ്ഥാനങ്ങളെ തിരഞ്ഞെടുത്തത്. ലോകബാങ്കിന്റെ സഹായത്തോടെ സമഗ്രശിക്ഷാ അഭിയാന്റെ നേതൃത്വത്തിലാണ് സ്ട്രെങ്തനിങ് ടീച്ചിങ്-ലേണിങ് ആൻഡ് റിസൾട്സ് ഫോർ സ്റ്റേറ്റ്സ് (സ്റ്റാർസ്) എന്ന പേരിലുള്ള പദ്ധതി രാജ്യത്ത് നടപ്പാക്കുന്നത്. ആറുവർഷക്കാലം നീളുന്ന പദ്ധതിക്കായി
3200 കോടി രൂപയാണ് ലോകബാങ്ക് വായ്പ നൽകുന്നത്. ഇതിനുള്ള അംഗീകാരം ലോകബാങ്ക് നൽകിക്കഴിഞ്ഞു.
കേരളത്തിനുള്ള 950 കോടി രൂപയുടെ പദ്ധതി തുകയിൽ 60 ശതമാനം ലോകബാങ്കും 40 ശതമാനം സംസ്ഥാന സർക്കാരും വഹിക്കണം. മാനവ വിഭവശേഷി മന്ത്രാലയമാണ് വായ്പയെടുക്കുന്നത്. വായ്പ തിരിച്ചടയ്ക്കുന്നതും കേന്ദ്രസർക്കാരാകും.
കാലിക്കറ്റിൽ പുതിയ ഇൻ്റഗ്രേറ്റഡ് പി.ജി. കോഴ്സുകൾ: അപേക്ഷ 26വരെ
തേഞ്ഞിപ്പലം:കാലിക്കറ്റ് സർവകലാശാലയിൽ പുതിയതായി തുടങ്ങുന്ന ഇൻ്റഗ്രേറ്റഡ് പിജി...