പ്രധാന വാർത്തകൾ

പുതിയ അധ്യയന വർഷത്തിന് ഇന്ന് തുടക്കം: ഫസ്റ്റ് ബെൽ അല്പസമയത്തിനകം

Jun 1, 2020 at 8:21 am

Follow us on

തിരുവനന്തപുരം: പുതിയ സാഹചര്യത്തിൽ ഇന്ന് പുതിയ അധ്യയന വർഷത്തിന് തുടക്കം. \’ഫസ്റ്റ് ബെൽ\’ എന്ന് പേരിട്ട പുതിയ പഠന രീതിക്ക് കേരളത്തിലെ വിദ്യാർത്ഥികൾ ഇന്ന് തുടക്കം കുറിക്കുകയാണ്. കൈറ്റ് സിഇഒ കെ.അൻവർ സാദത്തിന്റെ നേതൃത്വത്തിലുള്ള സംഘം എല്ലാ ക്രമീകരണങ്ങളും വിലയിരുത്തി. കൈറ്റ് വിക്ടേഴ്സ് ചാനലിലൂടെ അല്പസമയത്തിനകം ക്ലാസുകൾ ആരംഭിക്കും.
പ്ലസ് ടു വിഭാഗം ക്ലാസോടെയാണ് പുതിയ പഠനരീതിക്ക് തുടക്കം കുറിക്കുന്നത്. പ്ലസ് ടു ക്ലാസുകൾ രാവിലെ 8.30 മുതൽ 10.30 വരെയാണ് നടക്കുക. രാവിലെ 08.30 ന് ഇംഗ്ലീഷും 09.00 ന് ജിയോഗ്രഫിയും 09.30 ന് മാത്തമാറ്റിക്സും 10.00 ന് കെമിസ്ട്രിയും നടക്കും. തുടർന്ന് 10.30 ന് ഒന്നാം ക്ലാസിലെ പഠനം ആരംഭിക്കും. ഒന്നാം ക്ലാസിന് 30 മിനുട്ട് പൊതുവിഷയവും ആയിരിക്കും. തുടർന്ന് 11 മണിക്ക് പത്താം തരത്തിലെ ക്ലാസ് ആരംഭിക്കും. പത്താം ക്ലാസിന് 11 മണിക്ക് ഭൗതികശാസ്ത്രവും 11.30 ന് ഗണിതശാസ്ത്രവും 12.00 മണിയ്ക്ക് ജീവശാസ്ത്രവും ക്ലാസുകളാണ് സംപ്രേഷണം ചെയ്യുക.

https://www.facebook.com/273642039942942/posts/590319474941862/


പ്രൈമറി വിഭാഗത്തില്‍ രണ്ടാം ക്ലാസിന് 12.30 ന് പൊതുവിഷയവും മൂന്നാം ക്ലാസിന് 01.00 മണിയ്ക്ക് മലയാളവും നാലാം ക്ലാസിന് 01.30-ന് ഇംഗ്ലീഷും സംപ്രേഷണം ചെയ്യും. അ‍ഞ്ച്, ആറ്, ഏഴ് ക്ലാസുകള്‍ക്കായി മലയാളം ഉച്ചയ്ക്ക് യഥാക്രമം 02.00, 02.30, 03.00 മണിയ്ക്ക് സംപ്രേഷണം ചെയ്യും. എട്ടാം ക്ലാസിന് വൈകിട്ട് 03.30-ന് ഗണിതശാസ്ത്രവും 04.00 മണിയ്ക്ക് രസതന്ത്രവും ഒമ്പതാം ക്ലാസിന് 04.30-ന് ഇംഗ്ലീഷും, 05.00 മണിയ്ക്ക് ഗണിതശാസ്ത്രവും സംപ്രേഷണം ചെയ്യും.
പന്ത്രണ്ടാം ക്ലാസിലുള്ള നാലു വിഷയങ്ങളും രാത്രി 07.00 മുതലും പത്താം ക്ലാസിനുള്ള മൂന്ന് വിഷയങ്ങളും വൈകുന്നേരം 05.30 മുതലും നാളെ ഇതേ ക്രമത്തില്‍ പുനഃസംപ്രേഷണവും ഉണ്ടാകും. മറ്റു വിഷയങ്ങളുടെ പുനഃസംപ്രേഷണം ശനിയാഴ്ചയായിരിക്കും. ഓരോ വിഷയത്തിനും അരമണിക്കൂര്‍ ദൈര്‍ഘ്യമുള്ള ക്ലാസുകളാണ് വിക്ടേഴ്‌സ് സംപ്രേഷണം ചെയ്യുന്നത്. കേബിൾ നെറ്റ് വാർക്കുകൾക്ക് പുറമെ വിവിധ ഡിടിഎച്ചുകളിലും കൈറ്റ് വെബ്സൈറ്റ്, ഫേസ്ബുക്, യൂട്യൂബ് എന്നിവയിലും ക്ലാസുകൾ കാണാം.

Follow us on

Related News

ഏപ്രിൽ 26ന് പൊതു അവധി

ഏപ്രിൽ 26ന് പൊതു അവധി

തിരുവനന്തപുരം:ലോക്സഭാ തിരഞ്ഞെടുപ്പ് ദിനമായ ഏപ്രിൽ 26നു സംസ്ഥാനത്ത് പൊതു അവധി...