പ്രധാന വാർത്തകൾ
കേരള ഹൈക്കോടതിയിൽ അസിസ്റ്റൻ്റ് തസ്തികകളിൽ നിയമനം: അപേക്ഷ 3മുതൽഒന്‍പതാം ക്ലാസില്‍ പാഠ്യപദ്ധതി പരിഷ്കരണമുണ്ടാകില്ലെന്ന് സിബിഎസ്ഇസംസ്കൃത സർവകലാശാലയിൽ നാടക പഠനത്തിൽ പിജി കോഴ്സ്: വിശദവിവരങ്ങൾ അറിയാം22 ദിവസത്തിനുള്ളിൽ പിജി ഫലം പുറത്തുവിട്ട് കാലിക്കറ്റ് സർവകലാശാല3,4, 6,7 ക്ലാസുകളിലെ പരീക്ഷാഫലം വന്നു: അതിവേഗം ഡിഇഡിരക്ഷിതാക്കൾക്കും നാട്ടുകാർക്കും അഭിപ്രായം അറിയിക്കാം: പഠന പിന്തുണാ പരിപാടി ഏപ്രിൽ മുതൽസംസ്കൃത സർവകലാശാലയിൽ ഓൺലൈൻ കോഴ്സുകൾകുറഞ്ഞ ഫീസില്‍ എം.എസ്ഡബ്ല്യു പഠിക്കാം: വാര്‍ഷിക ഫീസ്‌ 6500 രൂപഐഐടി കാൺപൂരിൽ വിവിധ വിഷയങ്ങളിൽ ഓൺലൈൻ പിജി കോഴ്സുകൾപിഎച്ച്ഡി പ്രവേശനത്തിന് ഇനി നെറ്റ് സ്കോർ: മാറ്റം ഈ വർഷം മുതൽ

ഓൺലൈൻ ക്ലാസുകൾക്ക് സൗകര്യമില്ലാത്ത വിദ്യാർത്ഥികൾക്ക് സ്മാർട്ട്‌ ഫോണുകൾ സമ്മാനിച്ച് കഞ്ഞിക്കുഴി

May 29, 2020 at 3:19 am

Follow us on

കോട്ടയം: ജൂൺ ഒന്നുമുതൽ ആരംഭിക്കുന്ന ഓൺലൈൻ സ്കൂൾ പഠനത്തിന് സൗകര്യം ഇല്ലെന്ന് കണ്ടെത്തിയ കുട്ടികൾക്ക് സ്മാർട്ട്‌ ഫോൺ സമ്മാനിച്ച് കഞ്ഞിക്കുഴി ഗ്രാമ പഞ്ചായത്ത്. പഞ്ചായത്തിലെ 73 വിദ്യാർത്ഥികൾക്കാണ് സ്മാർട്ട്‌ ഫോണുകൾ സമ്മാനിച്ച് കഞ്ഞിക്കുഴി പഞ്ചായത്ത്‌ അനുകരണീയമായ മാതൃക സൃഷ്ടിച്ചിരിക്കുന്നത്. ഫോണുകളുടെ വിതരണോദ്ഘാടനം മന്ത്രി സി.രവീന്ദ്രനാഥ്‌ നിർവഹിച്ചു. ജനകീയ വിദ്യാഭ്യാസത്തിന്റെ ഭാഗമായി എല്ലാ കുട്ടികൾക്കും ഓൺലൈൻ ക്ലാസ്സ് ലഭിക്കണമെന്നുള്ള നിശ്ചയദാർഢ്യമാണ് കഞ്ഞിക്കുഴി ഗ്രാമ പഞ്ചായത്തിന്റെ ഈ തീരുമാനത്തിനു പിന്നിലെന്നും
ഈ പദ്ധതിക്ക് നേതൃത്വം നൽകിയ കഞ്ഞിക്കുഴി ഗ്രാമപഞ്ചായത്ത് ഭരണസമിതിയെ അഭിനന്ദിക്കുന്നതായും മന്ത്രി സി. രവീന്ദ്രനാഥ്‌ പറഞ്ഞു. കഞ്ഞിക്കുഴി ഗ്രാമപഞ്ചായത്ത് കാണിച്ചു തന്ന മാതൃക പിന്തുടരാൻ മറ്റു തദ്ദേശ സ്വയംഭരണ സ്ഥാപനങ്ങളും ഉദാരമതികളായ വ്യക്തികളും പ്രസ്ഥാനങ്ങളും തയ്യാറായാൽ എല്ലാ കുട്ടികൾക്കും ഓൺലൈൻ പഠനം സാധ്യമാകും. അതിനുവേണ്ടി ഏവരുടെയും സഹകരണം അഭ്യർത്ഥിക്കുന്നതായും മന്ത്രി ചൂണ്ടിക്കാട്ടി. പദ്ധതിയിലൂടെ പഞ്ചായത്തിലെ മുഴുവൻ വിദ്യാർത്ഥികൾക്കും ഓൺലൈൻ ക്ലാസുകൾ ലഭ്യമാകും എന്നുറപ്പായി.

Follow us on

Related News