പ്രധാന വാർത്തകൾ
സ്കൂളുകളിൽ ഓൾ പാസ് സംവിധാനം തുടരും: പഠിക്കാത്തവർക്ക് മെയ് അവസാനം നിലവാരപ്പരീക്ഷസംസ്ഥാനത്ത് അവധിക്കാല ക്ലാസുകൾ വരുന്നു: ‘വീട്ടുമുറ്റത്തെ വിദ്യാലയം’ഒന്നാം ക്ലാസ് പ്രവേശനത്തിന് 6 വയസ്; സിബിഎസ്ഇ സ്കൂളുകളില്‍ അടുത്ത അധ്യയന വർഷം തന്നെ നടപ്പാക്കുംഅന്തർസർവകലാശാല ബേസ്ബോൾ വനിതാ മത്സരത്തിൽ കാലിക്കറ്റ്‌ സർവകലാശാല ഒന്നാമത്കേരള ഹൈക്കോടതിയിൽ അസിസ്റ്റൻ്റ് തസ്തികകളിൽ നിയമനം: അപേക്ഷ 3മുതൽഒന്‍പതാം ക്ലാസില്‍ പാഠ്യപദ്ധതി പരിഷ്കരണമുണ്ടാകില്ലെന്ന് സിബിഎസ്ഇസംസ്കൃത സർവകലാശാലയിൽ നാടക പഠനത്തിൽ പിജി കോഴ്സ്: വിശദവിവരങ്ങൾ അറിയാം22 ദിവസത്തിനുള്ളിൽ പിജി ഫലം പുറത്തുവിട്ട് കാലിക്കറ്റ് സർവകലാശാല3,4, 6,7 ക്ലാസുകളിലെ പരീക്ഷാഫലം വന്നു: അതിവേഗം ഡിഇഡിരക്ഷിതാക്കൾക്കും നാട്ടുകാർക്കും അഭിപ്രായം അറിയിക്കാം: പഠന പിന്തുണാ പരിപാടി ഏപ്രിൽ മുതൽ

വനിതാ സ്വാശ്രയ സംഘങ്ങൾക്ക് വായ്പ

Mar 12, 2020 at 1:32 pm

Follow us on

തിരുവനന്തപുരം: സംസ്ഥാന പട്ടികജാതി പട്ടികവർഗ വികസന കോർപ്പറേഷൻ പട്ടികജാതി വികസന വകുപ്പുമായി ചേർന്ന് നടപ്പാക്കുന്ന വനിതാ ശാക്തീകരണ പദ്ധതിയിൽ വായ്പയ്ക്കായി പട്ടികജാതി വിഭാഗത്തിലെ വനിതാ സ്വയം സഹായ സംഘങ്ങളിൽ നിന്ന് അപേക്ഷ ക്ഷണിച്ചു. പട്ടികജാതിയിൽപ്പെട്ട വനിതാ സംരംഭകർ മാത്രം ഉൾപ്പെട്ട സ്വയം സഹായ സംഘങ്ങൾക്ക് വരുമാനദായക പദ്ധതികൾ ഏറ്റെടുത്തു നടത്തുന്നതിനാണ് വായ്പ.

\"\"

ഒരു സംഘത്തിൽ 10 മുതൽ 15 അംഗങ്ങൾ വരെയാകാം. കോർപ്പറേഷന്റെ വായ്പാ നിബന്ധനകൾക്ക് വിധേയമായി ഒരു സംഘത്തിന് പരമാവധി ആറ് ലക്ഷം രൂപ വരെ പദ്ധതി തുക അനുവദിക്കും. ഇതിൽ 2,40,000 രൂപ വരെ സബ്‌സിഡിയും 60,000 രൂപ ഗുണഭോക്തൃ വിഹിതവും ശേഷിക്കുന്ന മൂന്ന് ലക്ഷം രൂപ വായ്പയും ആയിരിക്കും. രൂപീകരിച്ച ശേഷം കുറഞ്ഞത് ആറ് മാസമെങ്കിലും വിജയകരമായി പ്രവർത്തിച്ച് ഗ്രേഡിംഗ് കഴിഞ്ഞുള്ള സ്വയം സഹായ സംഘങ്ങൾക്കാണ് വായ്പ നൽകുക. ഗ്രേഡിംഗിന് സജ്ജമാകുന്ന സംഘങ്ങൾക്കും പദ്ധതിയിൽ അപേക്ഷ നൽകാം. വായ്പയുടെ തിരിച്ചടവ് കാലാവധി മൂന്ന് വർഷവും പലിശ നിരക്ക് ആറ് ശതമാനവുമാണ്. സംഘത്തിലെ അംഗങ്ങൾ 18 വയസ്സിനും 50 വയസ്സിനും ഇടയിൽ പ്രായമുള്ളവരും മുൻഗണനാവിഭാഗ വരുമാന പരിധിക്കുള്ളിൽപ്പെടുന്നവരുമായിരിക്കണം. പദ്ധതി തുക മൂന്ന് ലക്ഷം രൂപ അധികരിച്ചാൽ കോർപ്പറേഷന്റെ നിബന്ധനകൾക്കനുസരിച്ച് ആവശ്യമായ ജാമ്യം നൽകണം. കൂടുതൽ വിവരങ്ങൾക്കും അപേക്ഷാഫോറത്തിനും കോർപ്പറേഷന്റെ ജില്ലാ ഓഫീസുകളുമായി ബന്ധപ്പെടണം.

Follow us on

Related News